Obrador quesero para una granja familiar sostenible

Sant Hilari Sacalm, España
1. txanda Falta dira 22 egun
Jasota
€ 4.350
Minimoa
€ 10.000
Hobezina
€ 15.400
58 Finantzakideak
Jartzen € 5
Maitasuna maitasunez ordaintzen dugu!
Eskerrik asko! Ardi bat besarkatuko dugu, bizkarra igurtziko diogu, eta gogoz egingo diogu harramaska belarri atzean. Eta dena zuk egingo bazenu bezala.
> 02 Finantzakideak
Jartzen € 10
Oihal atzean.
Eskerrik asko! Circus-Granja Familiar ezagutzera gonbidatzen zaitugu, zure agendan tokitxo bat topatzen duzunean ezagutzeko nola, non eta zein ondo bizi diren ardi hauek.
> 06 Finantzakideak
Jartzen € 20
Eraman gaitzazu zurekin!
Eskerrik asko! Jaso ezazu etxean* edota etorri jasotzera pozez zoratzen gure baserrira** Circus-Granja Familiar baserriko zure tote bag, egunero gu zurekin eramateko eta gogoratzeko proiektu honen eraikuntzan ezinbesteko pieza zarela.
> 09 Finantzakideak
Jartzen € 30
Queso sin beso
Sin paseos y directo al grano: pasa por Circus - Granja Familiar a recoger 1/4 de queso de leche cruda de oveja con una maduración mínima de 3 meses.
> 03 Finantzakideak
Jartzen € 40
Maiatzetik San Migelera arte, artzaina izan nahi dut
Maiatzetik San Migelera arte, artzaina izan nahi dut Eskerrik asko! Oinez egin zure bidea eta etorri gurekin ardi zain egun erdiz, aktore eta muntaiarik gabe. Oinetako higatuak jantzi, bete motxila urez eta nahi duzun mokaduz; ekarri begirada zorrotz eta gorputza prest egunerokotasun nekagarritik deskonektatzeko.
> 04 Finantzakideak
Jartzen € 60
Ibilbide goxoa
Eskerrik asko! Badakigu, denborak estutzen zaitu, eta asfaltorik gabeko bideetan ibiltzea zaila egiten zaizu: arazorik ez! Etorri Circus-Granja Familiar baserrira, elkar ezagutuko dugu, hausnarkariei eta basoei buruz hitz egingo dugu, baita gaztez eta lurraldeez. Atseden hartu, arnastu, partekatu gure gazta eta eraman ezazu "Formatges dels Pirineus" liburu-altxorra, zuri Laia Pontek eta Natalia Nicolauk eskaini eta sinatua. *Behar izanez gero, liburua bidaliko dizugu, eta bidalketa-gastuak gure kontu, Europar Batasunaren barnean
> 04 Finantzakideak
Jartzen € 60
Zure erretinaren memoria
Eskerrik asko! Ihes egin hiriko astindu estuetatik eta esnatu zure arbasoen sena egun erdiz ardi zain pasatuz; basoen zehar, arte, gaztainondo eta haritzen artean. Joatekotan zarela, ez ahaztu 2019ko Circus-Granja Familiar egutegiaz!
> 02 Finantzakideak
Jartzen € 90
Ardiak daude artzainak dauden tokian
Eskerrik asko! Ausartu off road estiloko artzaintzara, Les Guilleries parajeen sakonetan. Artaldearekin batera oso inguru natural berezi batean ibiliko gara, arima babesten diguna eta zentzuak elikatzen dizkiguna. Ez da beharrrezkoa safari mozorrorik; bai, ordea, ura eta mokadutxo bat, indarrak berreskuratzeko. Bukoliko horrek, ez ekin etxerako bideari atoan gazta erdia –prentsatua, hiru hilabetekoa– sartu gabe!
> 04 Finantzakideak
Jartzen € 90
Artzaintzak eta liburuek kultura sortzen dute
Eskerrik asko! Lasaitasunez eta segurtasunez, etor zaitez baso-bainu bat hartzera, artaldearekin batera. Pasa egun bat, artzaina bazina; sartu ura eta jatekoak motxilan, jantzi bota egokiak eta etorri deskubritzera metrotik haratago badela bizitza zaratatsua. Eeee! Iluntzean ez ahaztu zure bildots-larruz egindako alfonbra (65x30zm, gutxi gorabehera)! Zure gorputzak eskertuko dizu goxotasuna, inongo oihal sintetikok eskaini ezin dizuna. *Oso urrun bazaude, eta ezin bazara etorri, bidalketa-gastuak gure gain hartzen ditugu, Europar Batasunaren barne.
> 05 Finantzakideak
Jartzen € 150
Larrurik ez, urraturik gabe
Eskerrik asko! Lasaitasunez eta segurtasunez, etor zaitez baso-bainu bat hartzera, artaldearekin batera. Pasa egun bat, artzaina bazina; sartu ura eta jatekoak motxilan, jantzi bota egokiak eta etorri deskubritzera metrotik haratago badela bizitza zaratatsua. Eeee! Iluntzean ez ahaztu zure bildots-larruz egindako alfonbra (65x30zm, gutxi gorabehera)! Zure gorputzak eskertuko dizu goxotasuna, inongo oihal sintetikok eskaini ezin dizuna. *Oso urrun bazaude, eta ezin bazara etorri, bidalketa-gastuak gure gain hartzen ditugu, Europar Batasunaren barne.
> 05 Finantzakideak
Jartzen € 500
Sen onaren mezenas.
Circus-Granja Familiar baserriko aita-amaponteko emerituak, ESKERRIK ASKO! Etxeko atea zabaltzen dizugu, zeure buruari opari diezaiozun artzain-egun bat, gurekin batera. Eraman etxera ukitu daitezkeen emozioak: bildots-larruz egindako alfonbra (65x30zm, gutxi gorabehera), kilo bat ardi-gazta prentsatua –gutxienez hiru hilabete izango ditu–, Circus-Granja Familiar baserriko 2019ko egutegia eta etxeko tote bag-a, soinean egunero-egunero eramateko. *Bidalketa-gastuak gure gain hartzen ditugu, Europar Batasunaren barnean
> 00 Finantzakideak
Jartzen € 1.000
Asko ematen duenak, asko jasotzen du.
Circus-Granja Familiar baserriko ama-aitaponteko zorioneko hori, ESKERRIK ASKO! Etorri bisitan, gorputzak atsedena eskatzen dizunean; ateak irekita daude eta ardiak adi. Zure eskuzabaltasuna ordaindua izango da nahi dituzun artzain-egun guztiekin, bildots-larruz egindako alfonbra handi batekin (90x70zm, gutxi gorabehera), 2019ko egutegiarekin eta Circus-Granja Familiar etxaldeko tote bag-arekin. Prest dagoenean, eta eguraldia lagun dugula, etxeko arkumea bazkalduko dugu elkarrekin.
> 01 Finantzakideak

Proiektu honi buruz

Kamioi bat gaztandegi bilakatu behar dugu.
Azpiegitura Minimoa Hobezina
Kamioia
Gaztandegi bilakatzeko kamioi-kutxa, 4.80m x 2.30m x 2.30m neurrikoa.
€ 1.700
Materiala Minimoa Hobezina
Gaztandegirako tresneria
Esnea eraldatzeko behar den materiala: altzairu herdolgaitzezko esne-ontzia, lanerako mahaia eta hotz-tanga. Tresna guztiak bigarren eskukoak izango dira.
€ 1.350
Osasun-panela
Osasun-panel plakak eta material isolagarria, barruko hormak estaltzeko eta sabai aizuna egiteko; leihoen eta ateen ertzak, elikagaien lantegien osasun-araudiaren araberakoak.
€ 1.500
Argindarra
Eguzki-plakak eta gaztandegia argiztatzeko behar den materiala.
€ 3.000
Iturgintza-materiala
Gaztandegian ur-hornidura izateko behar den iturgintza-materiala.
€ 1.000
Araztegirako materiala
Araztegia eraikitzeko behar den materiala: lamina iragazgaitza, legarra, leihoen markoak, hodiak eta ixteko balbula.
€ 1.200
Tanque de frío
Tanque de frío de 150lt. para conservar la leche.
€ 1.350
Material iluminación
Cableado, terminales, bombetas.
€ 1.000
Eginkizuna Minimoa Hobezina
Araztegi biologikoa
Gaztandegiko hondakin-urentzako araztegi biologiko estatikoa. Proiektua, lanaren zuzendaritza eta haren legeztatzea barne.
€ 2.450
Legalización de la depuradora
Análisis y gestión del proyecto de la depuradora por parte de terceros para su legalización.
€ 850
Total € 10.000 € 15.400
Nahitaezkoa
Gehigarria

Informazio orokorra

Gure familia proiektuari 2015ean ekin genion. Gure baserrian esnetako ardi latxez osaturiko artaldea dugu. Inguru erabat naturalean dago gure etxaldea, Montsenyko mendilerroa eta Les Guilleries artean –1000 metrotan–, hain zuzen ere. Gure lan moldea biologikoa eta jasangarria da; izan ere, gure ardien bizi-erritmoak zeharo markatzen du; eta urtaro bakoitzera egokitzen gara, bazkaren eskuragarritasuna dela eta.

Eraikin guztiak –artegia, material-biltegia eta boluntarioentzako lo-lekua– diseinatu genituen funtzionalak izateko eta, aldi berean, desmuntatu ahal izateko, ingurunean inongo aztarnarik utzi gabe eraman eta berrerabili ahal izateko. Gure gaztandegiaren proiektuak bide bera jarraitzen du: zimendurik gabe eraiki eta fruta-kamioi baten kutxa gaztandegi bilakatzea erabaki genuen.

Oinarriko ezaugarriak

Gure baserria da guk aukeratutako bizimodua aurrera eramateko ingurua: modu ekologikoan, jasangarrian, aztarna gutxikoa, erantzukizun soziala duena eta inguru naturalaren defentsan. Artaldea da gure ekintza guztien ardatza. Gure ardiek dute ardiek izan behar duten bizimodua.

Euren bizitzaren zikloa urtaroei dago lotuta urtaro. Eguraldiak markatzen du haien bizimodua, baita gure artzain lan-molde egokiek ere.
Artegia noizbehinkako espazioa da ardientzat, guri kudeaketa ahalbideratzen diguna: ekaitzak edota elurteak gogor jotzen dutenean, babesleku; erditze garaian, abaroa; edoskitze garaian, jezteko lekua... Inoiz ez da muga bat ardientzat.
Ondo zaindutako artaldeak oso eragin onuragarria du ingurunean, ezinbestean.

Gure gazta-ekoizpenak bere baitan hartzen du hainbat lan-lerro; era berean, gure produkzioak sustengatzen ditu elikagaien ekoizpen txikiak, zintzoak, jasangarriak eta lurrarekin lotuak. Horrela bakarrik egiten da ikusgarria animaliaren, inguruaren eta pertsonen lanaren balio erreala.
Kanpaina honen helburua da gure baserriaren lana zehazten duen azken katebegia: kalitatezko gaztandegi artisaua sortzea, ingurunean ahalik eta aztarna txikien utziko duena.

• Proposatu nahi dugu kostu txikiko gaztandegia, osasun-arauak errespetatzen dituena. Gure inguruan txertatuta dagoen gaztandegia, energia kontsumo txikikoa eta eramangarria izango dena.

• Gure lanaren zikloa itxi nahi dugu, esnekiak bere baitan hartzen dituen lan guztiak kontrolatu egin nahi ditugu, ardien bazkatik hasita, esnearekin egindako produktuen salmentaraino.

• Kalitatezko esne gordinarekin egin nahi dugu lan; gure produktuak izan daitezela seguruak, osasungarriak eta errepikaezinak eta lurraldearen adierazgarriak. Esne gordinak dituen ezaugarriak aldatu egiten dira egunez egun: konposizioa, usaina eta zaporea. Garaiko produktuak eskainiko ditugu: udaberritik udazkenera.

• Sustengatu eta defendatu nahi dugu elikagaien ekoizpen familiar txikia; izan ere, horixe baita ezinbesteko eredua, baldin eta lurra modu jasangarrian kudeatu nahi bada.

• Lehenesten dugu artaldearen ongizatea: euren izaeraren arabera bizi diren animaliak, osasuntsu, ondo elikatuta, euren beharrak aintzat hartuta.

• Zentsu ona erabiliz lan egin, kontuan hartuz pertsona-animalia-natura hirukia dela proiektua bideragarria izateko konbinazio bakarra.

• Esperientzia trukaketarako espazioa sortu nahi dugu.

• Elikaduraren gaineko pedagogia egin nahi dugu. Gure helburua da nabarmentzea ekoizle txikiok izan behar ditugun ekoizpen-katearen gaineko erabateko kontrola eta ardura.

• Nekazaritzan interesa duten gazteengan eragina izan nahi dugu: gure lana bideragarria da, eta egin behar diren sakrifizioen gainetik, plazer handia ematen digu.

Zerk bultzatzen zaitu eta nori doakio proiektua

Honen guztiaren abiapuntua kuriositatea izan da: haratuago zer dagoen ikusi, animaliarekiko harremanean zein urrats eman, baita natura, elikadura, lurrarekiko ere; harreman horiek dituzten ñabardurak antzematen ikasi. Horrela animatu ginen Catalunyako basoan esnetako euskal ardiak –latxak– jartzera.

Gure proiektua bideratuta dago, lehendabizi, euren bizitokian elikagai ekoizpen txikiak babesten dituzten pertsonei. Ari gara inguruan eragin zuzena duen proiektu batez, baina azken finean da ematen den beste pausu bat, pertsona asko ehuntzen ari den elikadura eredu ideal hori lortze aldera.

Gaztandegi mugikor hau aitzindaria da gure inguruan, ez dago ezaugarri hauek dituen gaztandegirik: mugikorra, erabilera anitzekoa, araudia errespetatzen duena, inguruan aztarna gutxi izango duena eta natura, animaliak eta kontsumitzaileak errespetatzen dituena.

Aurretiko esperientzia eta taldea

Euskal Herrian jaso genuen artzainak izateko formazioa, Arantzazuko Artzain-eskolan, 2013an. Gure bizitzan parentesi bat zabaldu genuen, Catalunya utzi eta Gipuzkoara joan ginen, Pikunieta Baserrira. Bertan egin genituen praktikak eta bertan bizi; eskolara, Arantzazura. Garai hura probestu genuen Hego eta Ipar Euskal Herriko hainbat proiektu ezagutzeko. Parentesia itxi, eta Catalunyara itzuli ginenean, gaztagintzari buruzko formazioa jaso genuen IRTAn eta Escola Agrària del Pirineuko ikastaroetan. Horiez gain, nekazaritzari buruzko hainbat ikastaro egin dugu Ruralcat izeneko plataforma digitalean.

Animalien beharretara behar bezala erantzuteko, ezinbestekoa da formazioa –bai teorikoa bai praktikoa–; are gehiago, kontuan hartzen badugu gure lurraldearen ezaugarriak. Behar-beharrezkoa da behatzea eta lanean fin-fin aritzea, horiek ziurtatuko baitute proiektuaren bideragarritasuna.

Hainbat ustialekutara egindako bisitetan ohartu ginen zer nolako moldaketa egin beharko genituzkeen gure proiektuan. Badaude, adibidez, itsasontzietako edukiontzietan egindako gaztandegiak. Kamioi batean gaztandegia egiteko apustuarekin kamioia erosteko bitartekari baten beharra saihestu dugu, eta askatasuna ematen digu, inoiz gaztandegia mugitu ahal izateko, gure gaztandegia gurpil gainean baitago.

Yas Recht Rasillier eta Albert Masó Coll gara lan-taldean, artzainak eta gaztagile artisauak gara. Gure baserriak ditu artegia; bi ukuilu txiki –aharientzat eta hazarkumeentzat, beharrezkoa denean erabiltzeko–; estalpe bi, batean makinaria eta bestean bazka eta bi karabana gordetzeko –lagun eta boluntarioentzako lo-lekuak–. Kamioa da behar dugun azken azpiegitura.

Compromiso social