Canal 
Eman £ 9
Proiektuaren gidaliburuan eta web orrian pertsona kolaboratzaile moduan agertu
Zure izena web orrialdeko zati berezi batean agertuko da, baita web orriak jarrita egongo den proiektuaren gidaliburuan
> 07 Aldi bereko finantzakideak
Proiektu honi buruz
Europara egokitua dagoen kode irekiko lehen POWERCUBEAREN fabrikazioa
Beharren zerrenda erakutsi
Materiala
|
Gutxienekoa | Hobeezina |
|---|---|---|
|
Errekuntza motorea
14ZP-ko potentzia dauka 4000 rpm-tan.
Carburazioz funtzionatzen du eta 125cc-tako zilindrada du.
|
£ 498 | |
|
L formako profil metalikoak
Motorearen, ponparen eta bestelako osagaientzat. Makinaren txasisa izango da.
Honen kostua 12.5€/m. 7 metro inguru beharko ditugu.
|
£ 75 | |
|
Transmisioa
Errekuntza motorraren potentzia ponpa hidraulikoari transmititzen dion osagaien multzoa.
|
£ 85 | |
|
Olio depositua
10L inguruko kapazitatea duen olio depositua, olio zirkuitua elikatuko duena.
|
£ 58 | |
|
Beste materialak
Olio filtroa, olio konduktuak, torlojuan, olioa, gasolina, deposituaren filtroa, ukondoak, bateria... Prezio guzti hauen desglosea eginda daukagu.
|
£ 94 |
Eginkizuna
|
Gutxienekoa | Hobeezina |
|---|---|---|
|
Ponpa hidraulikoa
Presio aldakuntza sortzeaz arduratzen den pieza da, gure makinentzat beharrezkoa den emaria ahalbidetuz.
|
£ 128 | |
|
Kopiagintzaren kostuak
Pegatinak eta gidaliburuak imprimitzearen kostuak
|
£ 44 | |
|
Komisio kostuak
PayPal eta Goteo-k eramaten duten komisioaren kostua.
|
£ 98 | |
|
Ikerkuntza
Powercubea hobetzeko eta garatzeko ikerkuntzarako behar den dirua, baita modulu hau beste makinei moldatzeko egin beharrekoari.. GVCS-ko beste makinen ikerkuntza eta garapenari dagokiona ere hemen sartzen da. Lan-orduak dira.
|
£ 299 | |
|
Soldadura lanak
Profilak soldeatzeko eta depositua egiteko behar diren soldaduren kostua.
|
£ 77 |
Azpiegitura
|
Gutxienekoa | Hobeezina |
|---|---|---|
|
Web orriarentza serbidorea eta horren optimizazioa
Gero eta pertsona gehiago gaudenez proiektuan parte hartzen web orria hobetu behar dugu, serbidore bat erosiz besteak beste. Ez da ezinbestekoa proiektua aurrera eramateko, baina web orria izango denez komunitatearen artean komunikazioa lortzeko azpiegitura, beharrezkoa izango da etorkizunean.
|
£ 107 | |
|
Materialaren garraioa
Materialaren garraioak sortzen duen kostua.
|
£ 51 | |
| Guztira | £ 1,080 | £ 1,614 |
Nahitaezkoa
Gehigarria
Informazio orokorra
“Powercube”-a motore modulu bat da “GVCS”-ko ( Herri Globalaren Eraikitze Kit-a) makina askotarako baliagarria dena. Herrixka Globalaren Eraikitze Kita, GVCS ingelesez, Open Source Ecology komunitateak lantzen duen proiektu bat da.
Makina askotan komuna den moduluetariko bat powercubea da.
Europara egokitua dagoen lehen KODE IREKIKO POWERCUBEA diseinatu eta eraiki nahi dugu.
Esan bezala aparatu hau GVCS-ko makinetako modulu bat da. Lur blokeen konprimatzailea, traktorea, CNC makina, motokultorea eta beste makina asko energia hidraulikoz hornitzen ditu.
Modulu hau Open Source Ecology-k proposatzen dituen ezaugarriak kontuan hartuz diseinatu da: modularitatea, flexibilitatea eta konpontzeko erraztasuna. Gainera, dokumentazio, plano, diseinu, muntai eta esperientzia guztiak www.basqueose.org webgunean jarrita egongo dira, OSE-k(Open Source Ecology) egiten duen moduan, kode irekiko proiektu batetaz ari baikara.
Estatu Batuetan egindako powercubeak 7 bertsio ditu, horietako bakoitzean hobekuntzak ezarriz, baina AEB-ko merkatura egokitua dago, bertan eskuragarri dauden pieza eta motoreekin. Horregatik, gure helburua makina hau europako merkatura egokitzea da, hemengo pieza eta motoreak erabiliz. Horren ondorioa da makinaren potentzia baxuagoa izatea, hemen ez baitago horrenbeste potentziako motorerik. Esan bezala bertsio amerikarraren eta gurearen arteko diferentzia nabarmenena eta diseinu guztia baldintzatzen duena motorea da. Horren ondorioz, powercube guztia rediseinatu behar izan dugu, gainontzeko piezak motore berriari egokituz. Gure motorea europako merkatuan eskuragarri dagoelako aukeratu dugu, hori baita Open Source-aren funtsa, edozeinek egin ahal izatea.
Open Source Ecology (OSE) Marcin Jakubowski-k, AEB-n bizi den ingeniari nuklear poloniarra, hasi zuen proiektu bat da.
Marcin-ek baratz batean lan egiten zuen, non traktore bat erabiltzen zuen bertako lanak aurrera eramateko. Traktore hori nahiko zaharra zenez, askotan apurtzen zitzaion eta konpontzeko tailerrera eraman behar zuen, horren eragiten zizkiok kostu eta buruhausteekin.
Reaktore nuklearrak konpontzen zituela baina traktorea konpontzeko gai ez zela konturatu zen egun batean. Aspertu egin zen behin eta berriz traktorea konpontzeagatik ordaintzeaz. Arazo horretatik bururatu zitzaion zibilizazioa munduko edozein tokitara eramateko makinak diseinatu eta sortzen zituen komunitate bat sortzea, makina bakoitza bere eraikitze gidaliburuarekin.
Dokumentazio guztia modu irekian jartzea zen bere ideia, horrela edozein pertsona izango litzake gai makina horiek eraiki eta konpontzeko.
Herri Globalaren Eraikitze Kit-a da makina guzti hauek biltzen dituen proiektua. 50 makina dira guztira, horietako batzuk diseinatuak eta eraikiak daude AEB-n. Beste batzuk, berriz, egiteke daude. Adibide horietako batzuk dira lur blokeen konprimatzailea, traktorea, generadore eolikoa, motokultorea...
Makina hauek modularrak dira. Hau da, zenbait makinetako modulu batzuk komunak dira, beraz, modulu asko elkarbanatzen dituzte. Horren ondorioz, makinak merkeagoak izango dira. Garrantzitsua da makina hauek merkatuan baina 8 aldiz merkeagoak direla aipatzea. Bestalde, askoz sinple eta flexibleagoak dira, osagarri ezberdinak jartzeko aukera eskeintzen dutelako makinek. Hori gutxi balitz, konpontzeko errazagoak dira eta iraunkorragoak. Guzti hauek dira proiektu honen abaintailak edo ardatzak. Eginda dauden makina guztien dokumentazioa eta erosi beharreko materialen lista, baita muntaia ere www.opensourceecology.org webgunean daude.
50 makina horitako askok elkarbanatzen duten modulu bat da powercubea.
GVCS: Global Village Construction Set
Oinarrizko ezaugarriak eta helburuak
Powercubea errekuntza motore bat da ponpa hidrauliko bati lotua dagoena. Horrela, ponpari esker jariakinean presioa lortzen da.
Tutu sinpleak erabiliz indar handia transmititzeko gai da zilindro hidraulikoetara, horien bidez gure makinak pisu handiko kargak mugi ditzaten.
Kode irekiko ekimena denez dokumentazio guztia, esperientziak, bideoak, gidaliburuak etab. gure web orrian, www.basqueose.org, jarriko ditugu, nahi duen pertsonaren eskuragarri. Horiek makinen fabrikazio, aldaketa edo hobekuntzarako erabili daitezke, beti ere aldaketa horiek partekatzen badira.
Web orrian jarriko ditugun dokumentuak:
-Diseinuaren dokumentazioa eta planoak.
-Fabrikazioaren dokumentazio, plano eta diseinuak.
-Muntaiaren dokumentzio, plano eta bideoak.
-Lehen funtzionamendu eta mantenuaren dokumentazioa.
-Proiektuaren hobekuntza posibleak.
Osagai nagusiak:
-Kanpo egitura metalikoa edo txasisa
-14 Zaldi Potentziako errekuntza motorea
-Ponpa hidraulikoa
-Motore-bonba transmisioa
-Olio depositoa
-Olio filtroa
-Olio konduktuak
-Kontrol panela: itzaltzea, potentzia eta kontrol hidraulikoa -arduino-
-Bibrazioa murrizteko elementuak
Txasisa forma errektangular bat osatuko duten L formako perfilak izango dira.
Zerk bultzatzen zaitu eta zeini zuzenduta dago proiektua
Proiektu hau, aurretik esan bezala, epe luzerako helburuak ditu.
Herri Globalaren Eraikitze Kiterako makinentzat modulu bat eraiki nahi dugu, powercubea, uste dugulako beharrezkoa dela beste makinak eraikitzen jarraitzeko.
Open Source edo Iturri irekiko filosofian irmoki sinesten dugu eta horregatik gustatuko litzaigute filosofia hori erabiliz teknologia munduko edozein txokotara eraman ahal izatea.
Proiektu hau "Open Source Ecology" idea interesgarria iruditzen zitzaion edozein pertsonari dago zuzendua, eta makina eta filosofia horren barruan lan egitea gustatuko litzaiokeen edozeini.
Edozein motatako laguntza, bai ekonomikoa baita teknologikoa ere ondo etorriko lizaiguke, eta mota guztietako iritzi eta ideak entzutera irekiak gaude. Norbaitek proiektuan parte hartu nahi badu badaki non gauden.
Crowdfunding-eko kanpainaren helburuak
Helburua lehen powercube europearra eraikitzea da, burujabetza teknologiko eta elikagai burujabetza lortzearen lehen pauso bezala.
Epe motzera helburuak:
1.OPEN SOURCE-aren inguruan jakinmina duten ikasle edo gazteak, nekazariak, fabrikatzaileak, eskolak eta unibertsitateak motibatu gizartean onura sortzen duen ideia honetan sinesten eta erabiltzen, baita Open Source proiektuak garatu.
2.Gure jakintza teknologikoak powercubearen eraikuntzan aplikatu.
3.Proiektuaren bideragarritasunaren eta etorkizunaren inguruan dauden kritika eta iritziak entzun eta horietatik ikasi.
4.Powercubea eraikitzeko finantziaketa lortu.
5.Gure proiektua errealitatea bihurtu.
Epe luzera helburuak:
1.Powercubean eta beste OpenSource makinen diseinuan, aholkularitzan eta eraikuntzan berezitasuna daukan elkarte bat sortu, printzipioz lehen sektoreko beharrak asetuko dituena.
2.Motokultorea eraiki powercubea energia iturri moduan erabiliz.
3.Konferentzien, txarlen eta erakustaldien bitartez gure esperientzia gizartari zabaltu eta erakutsi.
4.Lehen sektoreak multinazionalengan duen menpekotasuna murriztu.
5.Elikagai burujabetza totala lortzen saiatu, gure makinen erabilpenak nekazaritzara aplikatuz.
Open Source Ecology filosofia Euskal Herrian lantzeko ideia Tomas Tamayok aurketzu zuen Doka Kafe Antzokian eginiko Pecha Kuchan. http://youtu.be/YX7LQ1gCP0k
Presentazio edo deialdi ireki horren ondorioz EHU-ko Ingeniaritza Mekaniko ikasle bat interesatu zen bere karrera amaierako proiektua filosofia horrekin zerikusia zuen zerbaitetan egiteko. Proiektu hori powercubea da. Esan daiteke bertan hasi zela ekipoa eratzen. Proiektu hori bide honetik doa, eta azken hilabetean garapen handia jasan du.
Ondoren, Donostiako Eskola Politeknikoko hainbat ikasle batu ziren "Open Source Ecology" buruzko praktika batzuen eskaintzaren ondorioz. Talde hau 2013ko apirilan hasi zen lanean. Aurtengo maiatzan lan taldea sendotu egin da, Tecnum-eko ingeniari batzuk eta komunikazioan aditu batzuk taldera gehituz. Lan talde horren lana, OSE filosofia modu lokalean ezartzean zentrazen ari da, horretarako elkarte baten erapenarekin. Esan beharra dago taldean badagoela jendea pasiogatik edo gustuagatik soilik ari dena lanean.
Taldean profil askotako pertsonak daude: ingeniari mekanikoak, zibilak, elektronikoak, elektrikoak, diseinukoak, baita publizitatean eta lidergo ekintzailea eta berritzailea ikasten duten pertsonak. 20 bat pertsonako taldea osatzen dugu, eta mota askotao jendea izatea oso abersgarria da lana aurrera eramateko.
Talde horren barruan batzuk Open Source Ecology idea epe luzera garatzeaz arduratzen dira,eta beste batzuk powercubearen garapen eta diseinuaz arduratzen dira. Badago jendea 3D motako impresoretan lanean dagoena.
PROIEKTUAN INTERESATUAK DAUDEN PERTSONAK ONGI ETORRIAK IZANGO DIRA.
Garrantzitsua da azpimarratzea azken hilabete honetan egiten ari garen ahotsa, garrantzi handiko lekuetan hitzaldiak emanez.
Horietako bat Innobasque-k antolatutako hitzaldi batzuetan izan zen, elkarbanatutako ekonomiari eta P2P-ari buruz. Ekainean izandako hitzaldi horietan Michael Bauwens-ek parte hartu zuen, P2P-aren bultzatzile nagusietarako bat. Hona hemen emandako hitzaldi horri buruzko bideo bat: http://youtu.be/7_uXYi_tnvU.
Beste hitzaldi bat Makina Herremintaren 19. Kongresuan izan zen, "Negozio Modu Berritzaileak" izeneko jardunaldian.
Bi hitzaldi horietatik ondorio baikorrak atera ditugu, eta gure lanak bideragarritasuna duela ikusi dugu.
Beste alde batetik, azpimarratu nahi dugu ingeniariak izan arren eta ikasketa honak izan arren ez garela arlo honetan profesionalak, eta baliteke proiektua lehen aldian ondo ez ateratzea. Gogor lan egingo dugu proektua aurrera atera dadin.
Giza konpromezua
Partekatutako materialak
-
Dokumentazioa, baita diseinu eta fabrikazio planoak
Proiektuarekin zerikusia daukan dokumentazio guztia web orrian jarriko dugu. Baita POWERCUBE-aren planoak ere. Pieza solteak egiteko behar diren bestelako dokumentuak ere jarriko ditugu.CC - Onarpena - BerdinPartekatua
Creative Commons Lizentzia (ondasun arrunt sortzailea) egiletzaren onarpenarekin eta baldintza berdinetan partekatua -
Muntaiaren dokumentazio, plano eta bideoak
Behin piezak eduki eta gero makina montatzeko egin behar dena azalduko den dokumentua da, hori egiteko orden egokiena azalduzCC - Onarpena - BerdinPartekatua
Creative Commons Lizentzia (ondasun arrunt sortzailea) egiletzaren onarpenarekin eta baldintza berdinetan partekatua -
Mantenu eta martxan jartzearen gidaliburua
Dokumentu honetan makina martxan jartzeko pausoak eta hartu beharreko segurtasun neurriak azalduko dira. Bestalde, makinaren iraupenerako beharrezkoak diren mantenu operazioak jarriko dira.CC - Onarpena - BerdinPartekatua
Creative Commons Lizentzia (ondasun arrunt sortzailea) egiletzaren onarpenarekin eta baldintza berdinetan partekatua -
Materialen zerrenda
POWERCUBE-a egiteko behar diren material guztien zerrenda eta erosi daitezkeen tokian web orrian egongo dira.CC - Onarpena - BerdinPartekatua
Creative Commons Lizentzia (ondasun arrunt sortzailea) egiletzaren onarpenarekin eta baldintza berdinetan partekatua