Proiektu honi buruz
Beharren zerrenda erakutsi
Eginkizuna
|
Gutxienekoa | Hobeezina |
|---|---|---|
|
10 saiotarako ordainsariak
Proiektuaren aukerak kontuan izanik kalkulatu ditugu ordainsariak. 10 herritan lanean diharduten bi profesional gara, 10 asteburutan, egunean 10 ordu, eta orduko 9 euro kobratzen ditugu.
|
€ 3.600 | |
|
Aurreprodukzioa
Gustuko dugu taldean lan egitea, eta nahiago izaten dugu behar adina gaitasun eta baliabideak dituen profesional batekin lan egin udaletxe eta erakundeekin harremanetan jartzeko, baimenak kudeatzeko, erraztasunak bilatzeko, eta abar.
|
€ 300 | |
|
Jardueraren dokumentazioa bideo bidez
Argazkiak egiten ditugun bitartean ezin dugu inguruan gertatzen den oro dokumentatu, eta, hori dela-eta, kameralari baten laguntza izan nahi genuke, etorkizunean kalitatezko materiala eduki eta egiten dugun lana modu hobean azaltzeko.
|
€ 850 | |
|
Komunikazioa eta zabalkundea
Talde-lana atsegin dugu, eta nahiago izaten dugu gaitasuna eta baliabideak dituzten profesionalen laguntza edukitzea komunikazioa, prentsa, webgunea eta sarea sozialak kudeatzeko. Horrela, proiektuaren inguruko informazioa modu egokian zabaldu ahal izango dugu herriak bisitatzen ari garen bitartean.
|
€ 700 | |
|
Bestelako ordainsariak
Hasierako ordainsariak orekatzeko izango lirateke, eta horietatik bildutako kopurua gure ekintza garatzeko inbertituko genuke.
|
€ 1.600 |
Materiala
|
Gutxienekoa | Hobeezina |
|---|---|---|
|
Erretratatu bakoitzarentzat argazki kopiak
Parte-hartzaile bakoitzari argazki bat emango diogu, eta inprimatzeko sublimazio termikoko Canon Selphy CP1300 inprimagailua erabiliko dugu.
|
€ 400 | |
|
Udaletxearentzat argazki-kopiak
Udaletxe edota erakunde bakoitzari bere argazkiak emango dizkiogu, eta inprimatzeko sublimazio termikoko Canon Selphy CP1300 inprimagailua erabiliko dugu.
|
€ 400 | |
|
Erakusketa ibiltarirako argazki-kopiak
Erakusketa ibiltaria osatuko duten kopiak inprimatzeko. Herri bakoitzean erakusketa aldatu egingo da, eta argazkiak eguneratuz joango dira. Horretarako, sublimazio termikoko Canon Selphy CP1300 inprimagailua erabiliko dugu.
|
€ 100 | |
|
Gasolina
Orain arteko esperientzia aintzat hartuta, eta Gipuzkoan zehar egin ohi ditugun kilometro kopurua kontuan izanik, hilean 140 euro kalkulatu ditugu, behetik jota.
|
€ 420 | |
|
Dietak
Autokarabanan prestatu ohi ditugu gure otorduak; beraz, hilean 100 euroko dieta kalkulatu dugu. Uste dugu kopurua nahikoa dela bi pertsona garela kontuan izanik.
|
€ 400 | |
|
Gasa
Gas bonbona bat daramagu gurekin janaria prestatzeko hozkailua, ur beroa eta abarrerako. Kontsumoari dagokionez, hilean 13 bat euroko gastua eragiten digu.
|
€ 50 | |
|
Gomazko zigilua
Gure oinazea ordainsari eta leku orotan uzteko!
|
€ 18 | |
|
Kartoizko kaxak
Kartoizko 50 kaxetako pack-a (ez dago unitate gutxiagoko kaxa pack-arik) 10x15x5 cm-ko tamainakoak, herrietako erakundeei banatzeko.
|
€ 53 | |
|
Inprimagailu profesionala
Orainartean Canon etxekoa sublimazio termikoko imprimagailua erabili dugu. Oso ondo moldatu gara berarekin istripurarte, orduzkero ez du berdin lan egiten...
|
€ 800 |
Azpiegitura
|
Gutxienekoa | Hobeezina |
|---|---|---|
|
Domeinua + hosting-a
Domeinua erosi behar da, eta urtero ordaindu beharreko ahokalekua erosi. Guk ordainduko ditugu gastuak datozen urteetan.
|
€ 30 | |
|
Argazki artxiboa online
Argazki-artxiboa online kontsultatu ahal izango da; orain eta beti egingo ditugun argazkiak ikusi ahal izango dituzue webgune batean. Edukia herriz herri antolatuko dugu, mapen bitartez.
|
€ 1.500 | |
|
"Gutxieneko" ordainsaria
Gutxi gorabeherako kalkulua kanpainako lehen faseko ordainsari eta bidalketen produkzio kostua betetzeko.
|
€ 800 | |
|
"Gutxienekoaren" bestelako gastuak
Bankuko komisioen gastuak (0,8%) eta goteo.org plataformako komisioen gastuak (4%) kanpainaren lehen fasean.
|
€ 364 | |
|
4G konexioa
Doako Wifia ez da beti eskura izaten, eta horretarako, ongi legoke 4G konexiora sarbidea edukitzea egingo ditugun argazkiak helbide elektroniko bidez bidali eta argazki-artxiboa eguneratzeko.
|
€ 150 | |
|
Ezustekoak
Ezusteko gastuen gutxieneko zenbatekoaren % 10-eko aurreikuspena. Adibidea: kamera hondatu egin da, autokarabanan dena delako konponketa egin behar da…
|
€ 800 | |
|
Autokarabanaren asegurua
Garrantzitsua da (eta era berean derrigorrezkoa) lasaitasuna emango digun aseguru on bat edukitzea, Gipuzkoako mendietako herrietan lasai gidatzeko.
|
€ 250 | |
|
Itzulpenak
www.retratonomada.com webgunearen itzulpena hiru hizkuntzetara: euskara, katalana eta ingelesa, "Erretratu Nomada: Erretratuen Argazki Artxiboak" ez dezan mugarik izan!
|
€ 800 | |
|
"Onena" ordainsaria
Kanpainaren bigarren faseko ordainsariak eta bidalketen produkzio-lanaren gastuak babesteko aurreikuspena.
|
€ 900 | |
|
"Onenaren" bestelako gastuak
Bankuen komisioak (% 0,8) eta goteo.org plataformako komisio gastuak (% 4), kanpainako bigarren fasean.
|
€ 275 | |
| Guztira | € 8.135 | € 15.560 |
Informazio orokorra
Zer da estudio ibiltaria?
Autokarabanaren kanpoaldea erabiltzen dugu argazki estudio eta plato profesional gisa. Eguzki-oihala zabaltzen dugu, atzealdean oihal bat ipintzen dugu, eta gortina beltzak intimitate handiagoko txoko bat izan dadin. Horrela, gerturatzen diren pertsonak gustura sentitzen dira.
Goiko argazkian ez genituen ipini oihalak haize bortitza zela-eta.
Zer da areto erakusketa ibiltaria?
Ekintza guztiak Bitxaren inguruan egin nahi ditugu. Alde batean estudioa ipiniko dugu eta beste aldean, berriz, erakusketa antolatuko dugu herriko biztanleek beste herrietan egin ditugun argazkiak ikus ditzaten.
Zer egingo dugu argazkiekin?
- Parte-hartzaile bakoitzari paperezko argazkia emango diogu. 10x15 cm-ko kopiak izango dira, eta formatu digitalak helbide elektronikoz bidaliko ditugu.
- Herrietako erakundeei kaxa bat emango diegu 10x15 cm-ko tamainako argazkiekin, baita bertsio digitalak ere.
- Autokarabanaren saihetsean erakusketa bat antolatuko dugu bidean egiten ditugun argazkiekin.
- Argazki artxiboa osatuko duen webgunea sortuko dugu, eta herriz herri antolatuko ditugu argazkiak.
Oinarrizko ezaugarriak eta helburuak
Autokarabanan bizi garenez, beste modu batera hurbildu gaitezke jendearengana. Tokian tokiko biztanleak eta euren egunerokoa ezagutu eta gure bizimodua partekatzeko aukera ematen digu.
Zer helburu ditugu?
Proiektuaren helburu nagusia da erretratuen argazki-artxiboa sortzea. Artxiboa herri mailan hasiko dugu Gipuzkoan, eta denborak aurrera egin ahala estatu eta Europara hedatuko dugu. Argazki-artxiboa www.retratonomada.com webgunearen bidez emango dugu ezagutzera. Edukia herriz herri antolatuko dugu.
Horrela, herri bakoitzean egingo ditugun erretratuen bitartez, herriko erakundearentzat erregistro bat sortuko dugu 2020. urteko biztanleak nor izan ziren jakin ahal izateko.
Argazkilaritza hausnarketa tresna da. Argazkiak egitea herrietako ekintza soziala izango da, eta partekatzeko, behatzeko eta pentsatzeko aukera emango du, dela bakarrik, dela taldean.
Era berean, Bitxaren kanpoaldean antolatuko dugun argazki-erakusketak ahalbidetuko du herri ezberdinetako biztanleek elkar ezagutzea.
Zer lan-dinamika jarraituko dugu?
Lehenengo urratsa Gipuzkoako herri txikietako udaletxe edota erakundeekin harremanetan jartzea izango da.
Mapan ibilbidea zehaztu ondoren, hasiera emango diogu “Erretratu Nomada: Gipuzkoa” bidaiari 2020ko udaberrian herriz herri bisitak egiten, antzinako argazkilari ibiltarien moduan.
Ostegunean iritsiko gara herrira.
Autokarabanaren ezker aldean antolatuko dugu erakusketa, ordurarte atera ditugun argazkiekin.
Larunbatean eta igandean parte hartu nahi duen orori aterako diogu argazkia.
Ekintza irekia eta zeharkakoa da guztiz, doakoa parte-hartzaile ororentzat, eta, noski, ez da derrigorrezkoa izango.
Astelehenean formatu fisiko zein digitaleko materiala prestatuko dugu herriko erakundeari banatzeko, modu egokian artxibatu dadin. Era berean, webgunea eguneratuko dugu, eta helbide elektroniko bidez parte-hartzaile bakoitzari bere argazkia bidaliko diogu.
Zerk bultzatzen zaitu eta zeini zuzenduta dago proiektua
Bartzelonan 15 urte igaro ondoren, gure bizimodua aldatu nahi izan genuen ondasun materialak gutxitzen, eta minimalismoa eta slow mugimendu eta bizimoduarekin bat eginez. Kontsumo eredu arduratsuaren alde egin genuen, eta presarik gabe bizitzea erabaki genuen. Horrela, hiri batetik autokarabana txiki batean bizitzea pentsatu genuen.
Bizimodu honen bitartez jendearengana gerturatzeko aukera izan dugu, eta, batez ere, bidean ezagutzen ditugun pertsonengandik ikasteko.
Proiektua zuzentzen da lurralde eta kultura euskaldunarekiko interesa duten pertsonei, argazkilaritza maite dutenei, antropologia gustuko dutenei, giza-ikerketak maite dituztenei, bizimodua aldatu nahi dutenei, bidaiatzea gustuko dutenei, nomadei, baina, nagusiki, nukleo txikietan bizi diren pertsonei, zenbaitetan bigarren plano batean gelditzen direnak.
Esperientzia gisa bizi nahi dugu; izan ere, jakin badakigu istorio eta pertsona bakoitza garrantzitsua dela, eta beti ikas daitekeela eurengandik. Herri baten identitatea partekatzea memoria betirako bizirik mantentzea da.
Bartzelona duela hamazazpi hilabete utzi ondoren, 10.000 km baino gehiago egin ditugu, eta egitasmoa Tolosan egin dugu BoxA Arte Elkartea lankidetzarekin, Irungo Kontenporanea arte garaikidea jaialdian eta Girabiran, eta Holandako Zetten hirian antolatzen den Wereldwijd de Heerlijkheid jaialdian. Denera, 400 bat erretratu egin ditugu.
Gure bidaian zehar gurutzatu diren beste hainbat pertsona interesgarri ere erretratatu ditugu, eta horietako hainbat lagunak dira egun. Alegiako abeltzain bat lehenik, Poloniako bisonte emakume gidari bat ondoren, Frantziako aktibista/kayaklaria gero, Cabo de Gatako bi emakume ekintzaile, besteak beste..
Maparen azken eguneratzea: 2019ko abuztuak 4
Nor gara?
Argazkilari bikote bat gara, bata euskalduna, eta, bestea, mallorcarra. Orain bost urte ezagutu genuen elkar Bartzelonan, eta bertan bizi ginen. Bakoitzak bere ibilbidea egin du argazkilaritzan. Elik (www.eligarmendia.com),argazkilaritzaren ikuspegi artistikoa landu du proiektu pertsonal eta erakusketetan, eta, Carlosek (www.carlospericas.net), berriz, enkargu-lanak egin ditu, erretratuetara bideratuta.
Letonia 2015
Estudioaren muntaketaren adibidea eta emaitza.
Pello Zabala (76), amezketarra, Arantzazun erretratatua, bere etxean.
ARGAZKI-ORDAINSARIAK
Ondokoak ZENBAKITUTAKO AUTORE ARGAZKIAK dira, 15x20 cm-ko tamainan modu digitalean inprimatuak, lehenengo urteko ibilbidean eginak.
Oharra: #1 eta #2 argazkiak Carlosek atera ditu, eta #3 eta #4 argazkiak Eli.
Ondokoak MUGATUTAKO AUTOREARE ARGAZKIAK dira, 25 aletako kopia mugatuak, 20x30 cm tamainan modu digitalean inprimatuak, lehenengo urteko ibilbidean eginak.
Oharra: #5 eta #6 argazkiak Carlosek atera ditu, eta #7 eta #8 argazkiak Elik.
ZER DA MATCHFUNDING-A?
Oraindik ez bagara gai izan Matchfunding-a zer den azaltzeko, bideo bat prestatu dugu azalpenekin, ulergarria eta lagungarria izan dadin.
Mila esker!
Giza konpromezua
Kultura sortzea
Argazkilaritza herri eta komunitate txikietara gerturatu nahi dugu argazki-estudio profesional eta erakusketa gune ibiltariaren bitartez. Parte-hartzaile orori aukera eman nahi diogu kalitate oneko euren argazkiak eduki ditzaten, argazki artxiboaren eta herriko ondarearen parte izan daitezen. Era berean, aldarrikatu nahi dugu herri baten identitatea partekatzea memoria betirako bizirik mantentzea dela.