ROMAN Y JULIETA

  • Eman £ 9

    Mila esker!

    Eskerrak gure webgunean "Roman eta Julieta" proiektuaren mezenas izateagatik

    > 12 Aldi bereko finantzakideak
  • Eman £ 26

    Modan!

    Mila esker!
    Gure webean esker onak + Borobilen telazko poltsa

    > 09 Aldi bereko finantzakideak
  • Eman £ 43

    Lehen hamarrak bakarrik!

    Mila esker!
    Gure webean eskertzak + Roman eta Julieta antzezlanaren entsegua ikusteko aukera.

    > 07 Aldi bereko finantzakideak
  • Eman £ 43

    Antzerkira!

    Mila esker!
    Gure webean eskertzak + antzezlana ikusteko bi sarrera (euskaraz edo gaztelaniaz ikusteko balio dute)

    > 24 Aldi bereko finantzakideak
  • Eman £ 69

    Antzerkira estiloakin!

    Mila esker!
    Gure webean eskertzak + antzezlana ikusteko bi sarrera (euskaraz edo gaztelaniaz ikusteko balio dute + Borobilen telazko poltsa

    > 03 Aldi bereko finantzakideak
  • Eman £ 86

    Entseatzera!

    Mila esker!
    Gure webean esker onak + Roman eta Julieta antzezlanaren entsegua ikusteko aukera.

    > 05 Aldi bereko finantzakideak
  • Eman £ 103

    Afaltzera!

    Mila esker!
    Gure webean esker onak + Roman eta Julietako aktoreekin afaria.

    > 02 Aldi bereko finantzakideak
  • Eman £ 129

    Jolastera!

    Mila esker!
    Gure webean esker onak + antzezlaneko zuzendariarekin 2 orduko antzerki tailerra.

    > 03 Aldi bereko finantzakideak
  • Eman £ 257

    Bidaiatzera!

    Mila esker!
    Gure webean esker onak + gau bat /bi egun antzerkiko aktoreekin biran (hotela eta dietak barne)

    > 01 Aldi bereko finantzakideak
  • Eman £ 515

    Ongi Etorri!

    Mila esker!
    Gure webean esker onak + antzezlanaren kartelean enpresa edo entitatearen logoa txertatzea mezenas eta /edo babesle moduan.

    > 02 Aldi bereko finantzakideak
  • Eman £ 858

    Oh my god!

    Mila esker!!!
    Gure webean esker onak + antzezlanaren kartelean enpresa edo entitatearen
    logoa txertatzea mezenas eta /edo babesle moduan + antzezlanaren
    zuzendariarekin antzerkiko tailer intentsiboa baten kudeaketa eta babesa.

    > 00 Aldi bereko finantzakideak

Proiektu honi buruz

Zer egingo zenuke zure aita bera baino 30 urte gazteagoa den zaintzailearekin maiteminduko balitz?

Beharrak Azpiegitura Gutxienekoa Hobeezina
Entseguak
Entseguetarako antzokia edo sala alokatu
£ 858
Autoretza
Antzezlanaren testuaren autoretza
£ 3,002
Argiztapena
Argiztapenaren diseinua
£ 3,860
Ekoizpena
Gastuak, komisioak eta serial
£ 1,287
Beharrak Eginkizuna Gutxienekoa Hobeezina
Jantzitegia
Jantzien erosketa
£ 1,287
Musika
Soinu-bandaren konposizio eta grabaketa
£ 858
Guztira £ 9,006 £ 11,150
Nahitaezkoa
Gehigarria

Informazio orokorra

ROMAN ETA JULIETA sorkuntza propioko antzezlana da, normaletik kanpo
dagoena onartzeko ditugun aurreiritzien ingurukoa
. Kasu honetan tokatzen ez
den adineko maitasuna.
William Shakespearek bi neraberen maitasun ezinezkoaren istorioa idatzi zuen.
Gu istorio horretan oinarritu gara, umore beltz handia erabilita, bizitzaren
azkeneko etapan eta fisikoki ezindua dagoen gizonekozkoa eta bera baino 20
urte gazteagoa den zaintzaile immigrantearen arteko maitasun istorioa
kontatzeko.

Shakespeareren lanean maitasun istorioa aurrera ez ateratzeko oztopoa bi
nerabeen familiak baziren, gure istorioan seme-alabak dira harremana onartzen
ez dutenak.
Roman eta Julietan publikoak autokritika egitea nahi dugu , bakoitzaren epai
eta konplexuen inguruan
. Horregatik ikuslea familiako kide bihurtzen dugu, bere
errealitatearen inguruan galderak sortuaz, seme-alaba edo gurasoen rolean,
istorioko protagonista aktibo ez borondatezkoan bihurtuta, antzezlaneko
pertsonaien zalantzak, beldurrak edo konplexuak elkarbanatuz.

Oinarrizko ezaugarriak eta helburuak

ROMAN ETA JULIETA antzezlaneko taldea hau da:

Idazlea: Iñaki Rikarte
Zuzendaria: Anartz Zuazua
Aktoreak: Jose Ramon Soroiz, Tanya de la Cruz, Ainhoa Aierbe, Asier Sota,
Alazne Etxeberria
Iraupena: 80 minutu
Hizkuntza: euskara eta gaztelania
Publikoa: Heldua

Ezaugarriak

Obra hau originala da, Iñaki Rikartek idatzia eta ibilbide profesional luzea duten
aktoreak ditu. Borobil Teatroan ohikoa denez, estreinaldia euskaraz izango da,
gure publikoaren gehiengoa euskalduna baita.
Antzezlana gizarteko barne arazo bat duen komedia da, espazio bakar batean
gauzatzen dena
eta aktoreek inoiz uzten ez dutena. Horrez gain, ikusleak parte
aktibo bihurtzen ditu
, familiak bizi duen drama horren testigu bihurtzen ditu,
etxepekoak bailiran.

Helburuak
Borobil Teatrotik beti helburu berdina markatzen dugu, aktore hasi berriei nahiz
esperientzia handikoei lana ematea
, kalitatezko euskarazko obrak egitea
bultzatzeaz gain. Gure marka da umorea erabilita aktualitatezko gaien inguruan
ikusleari pentsaraztea
. Gure helburua ahalik eta plaza gehienetara heltzea da,
herrialde honetakoak nahiz atzerrikoak

37728970-1220192111456222-5139925484976472064-n-2.jp 37641095-1220192131456220-4410762453273542656-n.jp

Zerk bultzatzen zaitu eta zeini zuzenduta dago proiektua

Imajina ditzagun gure gurasoak, bizitza erdia baino gehiago batera daramaten
bi pertsona. Imajina dezagun bietako bat hil egiten dela, berdin du nor. Pentsa
dezagun daramagun bizia dela eta ezin dugula ezin dugula edo ez dugula nahi
alargunaren kargu egin, eta zahar-etxe batean ingresatzen dugula. Imajina
dezagun, gure aitak edo amak, alargun gelditu denak, uko egiten diola. Burutik
pasatzen zaigun lehenengo soluzioa bera zaintzeko norbait kontratatzea da.

Errealistak izango gara inguruan ikusten dugunarekin, eta pentsa dezagun
kontratatuko genukeen pertsona hori immigrantea izango zela. Imajina dezagun
dena ongi baino hobeto doala. Hartu genezakeen aukerarik onena izan dela.
Alde batetik gisa horretako zama bat kenduko genuke gainetik eta geure bizitza
egiten jarrai genezake, eta beste aldetik gure aita edo ama ondo zainduta
ikusiko genuke.

Demagun zaintzailea eta zaindua den arteko harremana sendotzen joaten dela,
maitemintzeraino. Zer egongo genuke orduan? Kapaz izango ginateke, gu
zoriontsuak izateko dena eman digun pertsona horri bere azkeneko urteetan
maitasuna debekatzeko? Maitasunak iraungitze data ahal du bada? Eta adina?
Non edo non idatzita dago zimurrak ateratzen direnean ezin dela maitemindu?
Zein adinetatik aurrera pasatzen da gurasoa seme-alaba izatera eta seme-
alaba guraso? Zein unetatik aurrera dute seme alabek gurasoen bizitzaz
erabakitzeko eskubidea? Zergatik zapaltzen da duintasuna arrazoiaren
izenean?

Shakespeareren klasikoan oinarritutako istorio honek ideia eta sentimendu
guzti horietan sakontzeko aukera ematen digu, maitasuna maiuskuletan deneko
ideian. Eta hau da Roman eta Julieta, Shakespeareren klasikoan inspiratuta eta
,ziurrenik, gertaera errealetan oinarritutako istorioa, mota guztietako
ikusleentzako, antzerkiaren maitaleentzat nahiz lehen aldiz agertokiko oihala
zabaltzen ikusiko dutenentzat.

Aldez aurreko esperientzia eta taldea

Borobil teatroa sei urtez ari da lanean eta bost antzezlan egin ditu

Ali Baba eta 40 lapurrak (2012)
Hiru aktorek, 20 pertsonaia baino gehiagok eta alfonbra batek Pertsiako Bazar
Handira eramango gaitu.

On Egin (2013)
Duela denbora bat, norbaitek sukaldaritzako liburu guztiak lapurtu zituen eta inork ezin du sukaldatu. Jendeak hanburgesak bakarrik jaten ditu.

Jokoz kanpo (2015)
Borobil teatroakoek agertokia futbol zelai bihurtzen du bertan jende askok duen
jokabide onartezin eta irrazionala erakusteko umorea erabilita. Kirolak duen
alde negatibo hori jokoz kanpo uzteko.

GU ez gaude bakarrik (2016)
Inork ezin du loreen usainaz eta ilunabarraz gozatu jada. Txorien txioak ere ez
dira entzuten. GU ez gaude bakarrik, alegia dibertigarria da gizakiak aldaketa
klimatikoan duen eraginaz.

Roman eta Julieta
Roman 70 urteko gizon bat da. Iktus batek fisikoki bakarrik baliatzeko gai ez
dela utzi du eta bere seme-alabek ez dute kargu egin nahi.. 30 urteko aldea ez
da arazoa bere zaintzaileaz maitemintzeko, baina seme-alabek ez dute
onartzen.

romanetajulietaequipo-4.jpg

Giza konpromezua

Objetivos de Desarrollo Sostenible

  • Reducción de la desigualdad

    Reducir la desigualdad en y entre los países

  • Ciudades y comunidades sostenibles

    Lograr que las ciudades y los asentamientos humanos sean inclusivos, seguros, resilientes y sostenibles