The Arlotes

Harry nahikoa desastre da, nerabezaro luze samarrekoa, baina mami jatorrekoa, ondo pasatzen eta neskatan egiten saiatzen da, azken hau gutxitan (nahi baino gutxiagotan behintzat) lortzen badu ere. Aurten fakultatean sartu da eta bertan mutil gipuzkoar baten lagun egin da, Iñi. Iñi, ikasle-pisu batean bizi da Bego eta Goizekin, gay-a da eta izkutatzen ez badu ere, Harry ez da ohartzen, ez du entenitzen. Bego ere ikaslea da, bizkaittarra, hippy itxurakoa, poesia maite du eta ironiko samarra da. Azkenik Goiz, taldeko langilea, nafarra da eta ohituta dago babak bere eltzetik ateratzen.
Atalak 10 urte 'atzeratuta' dabiltza. Orduko Gasteizen tabernak tabako eta porroen kez beterik zeuden, ostegunetako parranda latza zen, alde zaharreko kaleak margoketa eta kartelez beterik zeuden, eta aldatu ez diren gauza asko: lanak esplotatutako gazteak, euskal sexualitatea?!?, kalez jantzitako poliziak tabernetan, kontzertuak...
Agian fanzineetan ezagutu duzu holakorik baina nekez marrazki bizidunetan. 10 atal egin nahi ditugu 7-10 minutukoak, euskaraz, eta interneten modu librean banatu eta ikusgai egongo direnak. Badakigu zaila dela marrazki bizidune profesionalekin lehiatzea alderdi teknikoetan, baina alderdi artistikoetan: gidoiak, abestiak, hizkera, trama... egitasmo interesgarria eta erakargarria egingo dugu.

Bi alma mater gara, Uraitz eta Ruben. Gure pizgarri nagusia da hainbeste gustatzen zaizkigun marrazki bizidunen bidez gure sen artitistikoari hegalak zabaltzea. Gainera musika beti egon da oso presente gure bizitzetan eta marrazkiok gertatzen diren eremuak ere bai.
Erakutsi nahi dugu (gure buruari aurrena) komediaren bidez gizakiak eta bere sexualitatea, arazo sozialak, politikoak, musika jorratu ahal direla ikuspegi komunitario batetik, errespetuzkoa, giza baloreezkoa. Eta barre egin, jakina!
Euskal Herrian oro har, eta Gasteizen bereziki bada tradizio aberatsik komiki eta fanzineetan, underground kulturan, kontrakulturan, nolabait 'The Arlotes'-ek hortik elikatu da, TMEO, PUTZ, OSTIELA, SABINATOR... Badira fikzioa eta marrazki bizidunak ere eragin digutenak, batez ere USAkoak. Musika mailean, berriz, euskal musika eta kanpoko musika alternatiboa izango dira, baina baita arrakasta komertzialak bilakatu diren abestiak ere, gehienok ezagutzen ditugunak. Alternatiboenak ere kantatzen du dutxan udaka kanta, hit-a,(aurreko udako kanta bada ere).

Uraitz gasteiztarra da, baina Mexikon bizi da. Distantziatik lanaren parte bat aurreratu dugu. Abenduaren 2an gure artean lurreratuko da eta elkarrekin hasiko gara lanean 'fulltime', Abendua eta Urtarrilean zehar. Areago, elkarrekin fisikoki, bakarrik bi hilabete horietan egon ahal gara elkarrekin, gero bera berriz lan gin eta bizitzera Mexikora izuliko da. Beraz baetz ere bi/hiru hilabete hauetan ibiliko gara ekoizpenarekin. Crowdfunding kanpaina orain egingo dugu, ekoizpena, post-produkzioa eta ondorengo lan guztia egin ahal izateko.
Horrez gain, 'The Arlotes' komunitate txiki bat eratzea da, ideiak jaso, lanak banatu (adibidez euskaraz bota ondoren, beste hizkuntza batzuetara itzultzea) eta goteo-euskadik aukera ona ematen digu horretarako.

Uraitz musikaria da (Trikitixa kontrairo, La mexikana klandestina...) eta ni bertsolaria, abeslari (Arazoak 11) eta bakarrizketalari afizionatua, PUTZ aldizkarian kolaboratzailea izan nintzen eta 'Araba, bertso histori ezberdin bat' liburua kordinatu eta idatzi nuen... 'The Arlotes' taldearen kanta propioak ere grabatu eta atletan sartuko ditugu.
Uraitzek hainbat laburmetrai eta bideo-klip egin ditu Mexikon eta Euskal Herrian:

Hemen bere popurri moduko bat: http://www.youtube.com/watch?v=kuRlZM_unjk
Demo Reel: http://www.youtube.com/watch?v=JhmVhJZG5a4
Arrebote taldearen 'elkartasunez' bideo-klipa: http://www.youtube.com/watch?v=TveWT2bHRF0
'La colcha de tu hermana' (Osotérico & Fernanda Martínez) bideo-klipa: http://www.youtube.com/watch?v=uPC74aXPLSk
'32. eguna' bideo-klipa: http://www.youtube.com/watch?v=eqC0jIu3gYU
Semana de Solidaridad con EH en México: http://www.youtube.com/watch?v=N4UPPliL6QQ
Ishayas New Intro, Bitácora de un Navegante Cósmico:
http://www.youtube.com/watch?v=jA0h-AFCiU0&feature=related

Gainera beste lagun batzuk ere lotuko ditugu, 10 atalak egiten lagundu gaitzaten. Egitasmoan sinetsi eta kamarekin, apainketarekin edo aktore lanetan lagunduko digutenak... Zuk ere lagunduko diguzu?