Trikifollia

Euskal Herria, Francia, Italia e Internet.
finantzatua 04 / 08 / 2013
Aldi berean finantzatuta!
Jasota
$ 10,464
Minimoa
$ 10,287
Hobezina
$ 14,158
137 Finantzakideak
Jartzen $ 6
Zure izena kredituetan

Zure izen abizenak Trikifolliako kredituetako esker ematean azalduko da.

> 17 Finantzakideak
Jartzen $ 11
Dokumentala zure ordenagailuan

Aldez aurretiko HD kalitatedun deskarga + Aipamena kredituetan

> 21 Finantzakideak
Jartzen $ 22
Trikifollia DVDan (gehigarriekin)

DVDa (lantaldeko kideei elkarrizketak eta making of bezalako gehigarriekin) + HD kalitatedun deskarga + Aipamena kredituetan

> 18 Finantzakideak
Jartzen $ 33
Estreinaldira!

Donostiako estreinaldiaren ekitaldirako gonbidepena+ DVD (gehigarriekin) + HD kalitatedun deskarga + Aipamena kredituetan

> 31 Finantzakideak
Jartzen $ 44
Trikifolliaz jantzi zure burua

Trikifolliaren kamixeta berezia + DVDa (gehigarriekin) + HD kalitatedun deskarga + Aipamena kredituetan

> 06 Finantzakideak
Jartzen $ 55
Trikifolliaz jantzi estreinaldian

Trikifollia kamixeta + Donostiako estreinaldiaren ekitaldirako gonbidepena+ DVD (gehigarriekin) + HD kalitatedun deskarga + Aipamena kredituetan

> 18 Finantzakideak
Jartzen $ 88
Trikifollia-rekin bazkaltzera

Estreinaldiaren egunean lantaldearekin egingo den bazkarirako gonbidapena + Kamixeta + Donostiako estreinaldiaren ekitaldirako gonbidepena+ DVD (gehigarriekin) + HD kalitatedun deskarga + Aipamena kredituetan

> 01 Finantzakideak
Jartzen $ 111
Trikifollia-rekin eta zure lagun batekin bazkaltzera!

Estreinaldiaren egunean lantaldearekin egingo den bazkarirako bi gonbidapen + Kamixeta + Donostiako estreinaldiaren ekitaldirako gonbidepena+ DVD (gehigarriekin) + HD kalitatedun deskarga + Aipamena kredituetan

> 07 Finantzakideak
Jartzen $ 166
Grabaketan izan, etxetik irten gabe

Errodatzearen bidaiak irauten duen bitartean egunero bidaliko dizkizugu albisteak eta argazki digitalak+ Castelfidardo ezusteko souvenir-a + Estreinaldiaren egunean lantaldearekin egingo den bazkarirako gonbidapena + Kamixeta + Donostiako estreinaldiaren ekitaldirako gonbidepena+ DVD (gehigarriekin) + HD kalitatedun deskarga + Aipamena kredituetan

> 00 Finantzakideak
Jartzen $ 221
Zure logoa filmean

Zure elkarte, taberna, denda edo bestelakoaren logoa "produktore" gisa azalduko da dokumentalaren hasiera kredituetan + Errodatzearen bidaiak irauten duen bitartean egunero bidaliko dizkizugu albisteak eta argazki digitalak+ Castelfidardoko ezusteko souvenir-a + Estreinaldiaren egunean lantaldearekin egingo den bazkarirako gonbidapena + Kamixeta bat+ Donostiako estreinaldiaren ekitaldirako gonbidepena+ DVD (gehigarriekin) + HD kalitatedun deskarga + Aipamena kredituetan

> 04 Finantzakideak
Jartzen $ 332
Eskola, elkarte eta taldeentzako emanaldia eta solasaldia

Dokumentalaren emanaldia, eta proiektuan interesekoa izan daitekeen edozerri buruzko solasaldia (edozein kasutan emanaldiaren tokia eta azpiegitura finantzakiden kontura izango dira; Euskal Herritik kanpoko kasuetan, garraioa eta, beharrezkoa balitz egonaldia ere, gehitu beharko litzaioke) + zuen izena eta logoa Trikifolliaren bukaerako kredituetan azalduko da beste esker emateekin batera.

> 08 Finantzakideak
Jartzen $ 1,106
Izan zaitez ekoizle-elkartua

Trikifolliaren ekoizle-elkartu gisa parte hartu, zure logoa filmaren hasieran, eta, telebistei dokumentala saldutakoan gerta daitezken irabazien %5 irabaz ezazu + Errodatzearen bidaiak irauten duen bitartean egunero bidaliko dizkizugu albisteak eta argazki digitalak+ Castelfidardoko ezusteko souvenir-a + Estreinaldiaren egunean lantaldearekin egingo den bazkarirako gonbidapena + Kamixeta bat+ Donostiako estreinaldiaren ekitaldirako gonbidepena+ DVD (gehigarriekin) + HD kalitatedun deskarga + Aipamena kredituetan

> 01 Finantzakideak

Proiektu honi buruz

Dokumentala, road-moviea, musikala. Trikitixarekiko grina historia bat.
Azpiegitura Minimoa Hobezina
Autobusa alokatzea
Donostia eta Castelfidardo (Italia) arteko bidaia egiteko autobusa alokatzea. Berau dokumentalaren gune nagusietako bat izango da, bertan emango baitute protagonistek bidaiaren denbora. Bost egunez alokatu behar dugu autobusa, eta honekin lotutako gastu guztiak ere ordaindu behar dira; tartean gidaria, autopistetako ordainsariak zein erregaia.
$ 6,637
Banku komisioak eta Goteoren zerbitzuen ematea
Diru bilketa kanpaina hau aurrera eramaten ari garen Goteo.org plataforma martxan mantentzeak hainbat gastu dakartza. Bestalde, Internet bidezko ordainketa sistemek bere kostua daukate. Hori guztia biltzen da atal honetan.
$ 1,217
Lo egiteko tokiaren gastuak
Bost egunetako bidaian etxetik kanpo lau egunetan egin beharko dugu lo. Horietako bi bidean, joaneko bidaian bat eta itzultzekoan bestea, eta beste bi Castelfidardon. Protagonisten zein lantaldeko kideen lo egiteko gastuak sartu ditugu atal honetan. Izan ere, autobusean lo egin behar izatea saihestu nahi baitugo; guztira 20 eta 25 lagunentzako tokia beharko da.
$ 2,212
Garraio gastuak
Ekoizleentzako eta bigarren unitatearentzako ibilgailua. Erregai eta ordainsaria gastuak, ekoizpen lanak errazteko eta bigarren grabazio unitatearen lana posible egingo duen ibilgailua erabili ahal izateko.
$ 995
Materiala Minimoa Hobezina
Sustapenerako materialak
Itzulera, sustapena eta jaialdietako banaketa sartu dugu epigrafe honetan.
$ 774
Eginkizuna Minimoa Hobezina
Postprodukzio prozesuak
Muntatzea eta postprodukzio grafikoa lantaldeko kideek osatuko badituzte ere, atal honetan kanpo-azpiegitura behar duten prozesuak ordaintzeko dirua eskatzen ari gara atal honetan. Bestalde, filma aurkeztuko dugun nazioarteko jaialdien baldintzetara egokitzeko lanak ere ordaindu nahi ditugu epigrafe honetako diruarekin.
$ 1,659
Aurrestreinaldirako aretoaren alokairua
Nahikoa diru lortuz gero, aurrestreinaldia zinema areto batean egin nahi dugu, eta hala balitz proiektua posible egin duten ahalik eta lagun gehien gonbidatu nahiko genituzke.
$ 664
Guztira $ 10,287 $ 14,158
Nahitaezkoa
Gehigarria

Informazio orokorra

Zer da trikitixa? Nondik dator? Nola iritsi zen Euskal Herrira? Nola egiten dute? Trikifollia dokumental musikala egiteko proiektua da. Trikitixa ikasle helduen, oso helduen, talde baten historia kontatzen du lanak; hain zuzen ere, galdera horiek erantzuteko akordeoi mota horren jatorrira egingo duten bidaia ardatz duen dokumentala. Beraiek guztiak batzen dituen tresnaren jatorrirako txango dibertigarria.

Dokumentalak islatuko du ikasle hauek, musikarekiko eta, zehazkiago, jotzen duten tresnarekiko duten grina, gauzekin liluratzeko adin mugarik ez dagoela erakutsiz.
Donostia eta Castelfidarfo (Italia) arteko bidaian geldialdiak eta bapateko trikitixa emanaldiak egingo dituzte bertako biztanleei sorpresa emanaz eta alaituz; izan ere, musika, azken buruan, edozeinentzat eta edonon gozagarria izan badelako.

Oinarriko ezaugarriak

Egitasmoak 20 minutuko dokumental musikala eta telebistarako 52 minutuko bertsioa hartzen ditu bere baitan. Kultura, izen handiak baina harago, bizitzaren edozein momentutan gozatu daitekeela erakutsi nahi dugu. Horretarako, lan honetan historia dibertigarria, muntatze arina eta irudiaren tratamendu profesionala erabiliko ditugu.

Aurreko kontzeptu guztiak biltzen dira trikitixa eskolak jasotzean eta ikasketa horien fruituak Kaña 2 Kaña taldean gozatzen duten ikasle helduen talde baten historian.

Gure road movie proposamena Castelfidardora (Italia) egin nahi duten bidaian txertatzen da; izan ere, bertan jaio baitzen musika tresna hori, eta, egun, Donostiako Musika Eskola tresna horietaz hornitzen duen fabrika ere bertan dago. Taldea osatzen dutenen umore ona eta nortasuna ikusirik, bilaketa honek momentu dibertigarri zein interesante ugari ekarriko ditu, eta baita bidaian egingo dituzte bat-bateko emanaldietako publikoaren ezusteko erreakzioak ere.

Lanak tresna bitxi hau aurkezteko ere balioko du, eta baita berau Euskal Herrira nola iritsi zen kontatzeko ere. Izan ere, adituen arabera berau XIX. mendean trenbideak eraikitzera etorritako langile italiarrek ekarri baitzuten, eta ez tresna bakarrik, baita beraien folklorea ere. Trikitixa gutxi-gutxika Euskal Herrian barrena hedatzen joan zen, eta betiko doinuak tresna berri honetara egokitzen joan ziren. Era berean, jatorrizko lurraldean esku-soinua nola jotzen den ere kontatu nahi dugu, bertako jotzaileekin topatze ekitaldia antolatu nahi baitugu.

Tresnaren historia dokumentatzeko Oiartzungo Herri Musikaren Txokoaren zuzendaria den Juan Mari Beltran bezalako adituen iritzia bildu nahi dugu. Gauza bera egin nahi dugu trenbidearen eraikitzearen nondik norakoak kontatzeko garaian; kasu honetan Azpeitiako Burdinbidearen Euskal Museoko arduradunengana joko dugu.

Zerk bultzatzen zaitu eta nori doakio proiektua

Duela urte batzuk gure trikitilarien kalejira batera joan ginen, Donostiako Egia auzoko jaietan. Musikari hauen adinak zein umore onak gure arreta bereganatu zuten. Gutxi-gutxika beraiek gero eta gehiago ezagutzen joan ginen, eta Musika Eskolako beste ikasle batzuek, piano ikasleek, C. Berlingo Bechstein Pianofortefabrik-era egindako bidaia baten berri eman ziguten. Esperientzia polita zein aberasgarria iruditu zitzaien eta beraiei ere, hau da, gure trikitilariei, horrelako zerbait egiteko ideia piztu zitzaien. Hor dago gure proiektuaren oinarria, beraiek jotzen duten tresnen jatorrirako bidaia dokumentatzea, alegia.

Trikitixa fabrika Italiako Castelfidardon, Anconako portuaren hegoaldean, dagoela jakina izan arren, euskal lurraldeetan horren errotuta dagoen tresnaren jatorria ere bertan zegoela eta, gainera, duela horren gutxi Euskal Herrira (XIX. mendearen erdialdean) iritsi zela jakitea harrigarri egin zitzaigun.

Pantailaratzeko oso interesgarriak ziren bi historia bateratzen zirela ikusi genuen: batetik, bost egun iraungo dituen bidaian gure protagonistek edukiko duten elkarbizitza dibertigarria; trikitixarekiko zein musikarekiko duten grina kontatuko dugu. Adinean sartutako musikari talde zaletu honetan ia haurrena ematen duen ilusioa eta bere burua hobetzeko duten gogoa ikustea oso erakargarria zaigu.

Bestetik, esku-soinuaren historia, jatorria, iristea eta errotzea biltzeko aukera paregabea iruditu zaigu.

Trikifolliaren arduradunok hiru ikus-entzule mota ditugu buruan. Lehenik eta behin, dokumentalak eta zinema gustuko dituen edozeinen gozagarri izan daitekeela uste dugu. Era berean, musika tradizionalaren zaleak ditugu gogoan. Azkenik, Kaña 2 Kañaren historia kontatzeak ahalbidetzen du, musika taldearen nondik norakoak azaltzearekin batera, laguntasuna, elkarbizitza, gauza soilekiko gustua eta antzeko giza naturaren osagaien inguru hausnarketa egitea, eta ondorioz kultura maite duen edozeinentzako produktua da proposatzen duguna.

Crowdfunding-eko kanpainaren helburuak

Trikifollia proiektuaren arduradunok hiru helburu ezarri ditugu kanpaina honetan: dirua biltzea, egitasmoa ezagutzera ematea eta, posible den heinean, kultura askea sustatzea.

Diruari dagokionez, pelikula hau gauzatzeko behar dugun finantziazioa bilatzen dugu. Logistika aldetik konplexua den proiektua da Trikifollia, eta horrek ekartzen du diru beharra; izan ere, Italiarainoko bidaia eta lo egiteko tokiak ordaintzea ezinbestekoak baita egitasmoa osatzeko.

Hala ere, hori ez da kanpainaren helburu bakarra. Goteo.org-ren bidez proiektua gizarteratu nahi dugu, guretzat ez ezik publiko zabalarentzat interesgarri delakoan baikaude. Crowdfunding moduan diru bilketa egiteak proiektuaren hedapenean lagunduko duela uste dugu.

Era berean, kultura aske edo librea lantaldearen kideen interesekoa da, eta zinez uste dugu mugimendu horretan bete-betan sartzen den egitasmoa dela Trikifollia; izan ere, ezagutzaren elkarbanatzearekin bat gatozelako. Kontzeptu hori gorpuzten da trikitixaren eta bere historiaren zabaltzean, eta lan honek, noski horixe du helburu.

Aurretiko esperientzia eta taldea

Unai Guerra da proiektuaren eta dokumentalaren zuzendaria. Guerra ikus-entzunezkoen alorreko sortzailea da, eta hamarkada eta erdi baino gehiagoko ibilbidea egin du dagoeneko. Denbora honetan telebista, bideo eta zinemarako artista grafiko, arte zuzendari, eta kredituen zuzendari gisa lan egin du, eta, noski, baita film laburren zuzendari gisa ere. Hauekin hainbat sari eskuratu ditu. Funtzio eta formatu horien guztien ezagutzek ezin hobeto prestatu dute bere lehen lan dokumentala zuzentzeko, eta proiektua portu onera eramateko. Bere lanetako batzuk www.vimeo.com/unaiguerra helbidean ikus daitezke.

Era berean, zuzendariak kalitate tekniko eta artistikoa soberan duen lantaldea bildu du bere inguruan. Taldea argazki zuzendari lanak egingo dituen Igor Urdanizek, Marta Berard gidoigileak eta Mikel Goñi produktoreak osatzen dute.

  1. urtean hasi zen Urdaniz telebista kamera lanetan, ordutik hona hainbat eginkizunetan jardun da alorrean, besteak beste, kameralari, argazki zuzendaria eta errealizadore jardun da. Bere lanen lagin bat: www.igorurdaniz.com webgunean.

Marta Berard kazetaria da eta EFE albiste agentziaren berriemalea izan da Kairon, Delhi Berrian, eta Sao Paulon. Historia humanoak zorroztasunez kontatzeko grina dauka, eta hamaika gertakariren berri eman du, erreportajeak telebista zein irratietarako prestatuz. Erredaktore, elkarrizketatzaile eta dokumentalista gisa egindako lanak eman dio egitasmoaren alderdi dokumentalaren gidoia osatzeko, egituratzeko eta informazio baliagarria eskuratzeko ahalmena.

Azkenik, Mikel Goñik komunikazioaren alorrean kazetari, argazkilari eta produktore gisa egin du lan azken 15 urtetan. Film labur dokumentalak eta argazki proiektu dokumental zein erreportaje luzeak egin ditu. Bere ibilbidea eta lan batzuk www.mikelgoni.info gunean ikus daitezke.

Trikitixa ikasleen taldea, berriz, askotarikoa da: erretiratuak, irakasleak, langabetuak, gastronomia zaleak... Beraien elkargune jotzen duten tresna izan bada, baina are gehiago entseguetarako elkartzen direnean sortzen den poza eta alaitasuna. Hori horrela izanik, 2011. urtean Kaña 2 Kaña trikitixa taldea osatu zuten, herri jaietan, erromerietan eta, oro har, edozein ekitalditan jotzeko. Beraien irakasle saiatuak, noski, bidaian lagunduko ditu, eta autobusa ikastoki bilakatuko da; lehenago inoiz ezagutu ez duten intentsitatea izango duena. Izan ere, bidean praktikatzeko aukera ugari izango baitituzte ezustean antolatu, eta bertakoen harridura sortuko dituzten, bat-bateko emanaldietan, eta helmugan bertako akordeoi joleekin egin nahi dugun topaketan jotzeko aukera jarraia izango dutelako.

Compromiso social