Aztarnak - Huellas. Un documental sobre el inicio de la vida.

Aztarnak - Huellas luzemetrai dokumentala da, bai zinemaldietan, bai zinema aretoetan, telebistan eta interneten banatzeko asmoz sortua.
Dokumentala euskaraz eta gaztelaniaz grabatuko da, zenbait elkarrizketa ingelesez, alemanez edo frantsesez izango direlarik, azpitituluekin.

Crowdfunding kanpaina honekin gutxienezko finanziazioa lortu nahi dugu, grabaketekin jarraitu ahal izateko. Eta ahal bada posprodukzio fasea hasteko ere bai. Dena den, kanpaina honetan lortutakoak bultzada handia emango dio proiektuari finanziazio bila jarraitzeko , eta zinema bultzatzen duten erakundeei gai honek gure gizartean sortzen duen interesa adierazteko. Gainera, kanpainarekin ikuslegoa gureganatzea espero dugu.

Haurtzaroko aztarnak betirako al dira? Edo eraldatu egiten dira denboraren poderioz? Eta, hala bada, nola? Zer egin dezakegu? Gainera, benetan hain ikaragarria izan al zen gure haurtzaroa? Hainbeste sufritu al dugu denok? Baietz diote batzuek, ia gogoratzen ez badugu ere, gure subkontzientean baitago. Hori al da biolentzia edota solidaritaterik ezaren jatorria?

Haurtzaroko lehen urteen garrantzia gero eta gehiagotan frogatzen da zientifikoki, sabelaren barnean gauden aldia eta jaiotzeko momentua ere kontuan hartzen direlarik.

Gero eta gehiago dakigula uste dugu, eta gauzak gure aurreko belaunaldiek biano hobeto egiten ditugula. Baina, hala al da? Haurdun geratu nintzenean, zalantza eta kezka ugari sortu zitzaizkidan erditzearen eta haur bat haztearen inguruan. Gai izango ote nintzen haurtxo bat nire sabelean sortzeko? Eta, are garrantzitsuagoa, jaio ondoren prest egongo ote nintzen harekin konektatzeko?

Liburuak irakurtzen, prestaketa taldeetara joaten, formazioa jasotzen... hasi nintzen orduan, eta nire gabeziez ohartzen hasi nintzen. Haurdunaldiak, nire haurtzaroarekin parez pare jarri ninduen bat batean. Eta liluratuta geratu nintzen gogoratu ere egiten ez dugun aldi hark gugan uzten duen aztarnaz ohartu nintzenean.

Haurtxoaren ikuspegitik

Dokumental honetan, hain zuzen, gogoratzen ez dugun aldi hura islatu nahi dut, jaio berria den haurtxo baten ikuspegitik. Nolakoa da saber barneko bizimodua? Imaginatzen dugun bezain epela? Eta erditzea, nolakoa da erditzeko momentua haurtxoarentzat? Eta, jaio ondoren, nolakoa da amaren beso artean sentitzen den sentsazio hori?

Haurtxo horren ahotsa izango da dokumentalaren hari narratiboa, betiko elkarrizketa aspergarriak baztertuz.

"Mundua aldatzeko, lehendabizi jaiotzeko modua aldatu behar genuke".
Dr. Michel Odent, obstetra, ikerlaria, zientzialaria, ameslaria y poeta.

MARU SOLORES, GIDOIA ETA ZUZENDARITZA.Ikus-entzunezko errealizazio ikasketak egin zituen Andoaingo Zine eta Bideo eskolan. Gerora, Zuzendaritza Zinematografikoa ikasi zuen Berlinen. Hainbat laburmetrai eta dokumental egin ditu, baita Camera Obscura luzemetraia ere. Nabarmentzeko beste lan batzuk: Dortoka Uhartea (laburmetraia), Querido Gustavo, lieber Helmut (dokumentala) eta Sabur, un viaje a Gorazde* (dokumentala). Ama izan zenean, Hazi-Hezi zentroko taldeetan parte hartu zuen. Egun, (H)emen Her(e) eta CIMA elkarteetako kidea da.

* JOSE Mª (TXEPE) LARA, EKOIZLEA. Eibarren egoitza duen "Lumiere Produkzioak"-en sortzailea. Produktorea da 1986az geroztik: 30 luzemetrai eta 40 laburmetrai zuzendu ditu, nazioartean hainbat sari jaso dituztenak. Nabarmentzeko dokumentalak: El Cielo gira (Mercedes Álvarez), Los Caminos de la Memoria (José Luis Peñafuerte). Luzemetraiak: Aupa Etxebeste (Asier Altuna eta Telmo Esnal), Justino, Un Asesino de la Tercera Edad (La Cuadrilla), Asfalto (Daniel Calparsoro), 25 grados en Invierno (Stéphane Vuillet), El Coche de Pedales (Ramón Barea)... Gainera, Madrileko FICI jaialdiko zuzendaria izan da hamar urtez.

* JAVI AGIRRE eta FRANK AMANN, ARGAZKI ZUZENDARITZA. Javi Agirrek euskal zinemaren hainbat pelikularen argazkigintza egin du (Amama, Loreak, 80 egunean...). Baita ere Handia filmarena, honengatik Goya sari bat jaso zuelarik. Frank Amann eskarmendu handiko argazki zuzendari berlindarra da eta Maruren Dortoka Uhartea eta Camera Obscura filmetako argazki zuzendaria izan da.

ALAZNE AMEZTOY, SOINUA. Alaznek ere eskarmentu handia dauka euskal zinemagintzan eta besteak beste La trinchera infinita, Mudar la piel eta Amama* luzemetraietan parte hartu du. Dagoeneko, Aztarnak-en grabaketetan ere soinu teknikari bezala parte hartu du.

* MAIALEN IGARTUA, KOMUNIKAZIOA. Ikus-entzunezko komunikazioan graduatua eta nortasun korporatiboa eta komunikazioan masterra. Kazetari eta gidoilaria, Berrian, Goierriko Hitzan eta Euskadi Irratian aritu da.

* OLATZ PEREZ ETA JON BARKIN, KANPAINAREN IRUDIAN ELKARLANEAN. Olatzek eta Jonek Andoaingo Zine eta Bideo eskolan errealizazioa ikasi dute.

* ASKA ELKARTEA, BABESA ETA AHOLKULARITZA. Aska Elkartea duela 10 urte sortu zen Gipuzkoan, guraso eta profesional batzuren eskutik, haurraren autorregulazio prozesua sustatzeko eta gurasoek elkar laguntzeko. Gaur egun, Askak 0-1 urteko umeentzako masaje tailerra eskeintzen du Egiako Kultur Etxean, Donostian, Ramón Mauduiten eskutik.