Maskilu: Conservas por la soberanía alimentaria

Imagen de cabecera
Ikusi bideoa
finantzatua 26 / 07 / 2015
Aldi berean finantzatuta!
Jasota
£ 7,518
Gutxienekoa
£ 4,031
Hobeezina
£ 6,990
118 Aldi bereko finantzakideak
Canal
  • Eman £ 9

    ESKER ONA

    Laguntzaileen izenak webegunean agertuko dira

    > 06 Aldi bereko finantzakideak
  • Eman £ 17

    INAUGURAZIORAKO GONBIDAPENA

    Inaugurazioa ekainean izango da, gonbidapena posta elektronikoz helduko zaizu eta esker ona web orrialdean agertuko da.

    > 08 Aldi bereko finantzakideak
  • Eman £ 26

    amantala+gonbidapena

    Maskiluren amantal berezia (inaugurazioan emango da), gonbidapena eta esker ona web gunean.

    > 31 Aldi bereko finantzakideak
  • Eman £ 43

    Maskiluren sasoiko kontserben errezeta-liburua

    Kontserbak egiterakoan lortuko dugun esperientzia eta bertako baserritarren ezagutzak batuko dituen dokumentu digitala helaraziko da.
    Esker ona web orrialdean.

    > 20 Aldi bereko finantzakideak
  • Eman £ 64

    Bisita didaktikoa kontserberan zehar + Produktuen dastaketa

    Kontserberara bisita, proiektuaren inguruko azalpenak eta produktuen dastaketa + esker ona web orrialdean

    > 14 Aldi bereko finantzakideak
  • Eman £ 86

    Kontserba desberdinez osatutako otzara + bisita didaktikoa

    Hainbat kontserba eta barazkiz osatutako saskia (bisita didaktikoan emango da), dokumentazioa eta esker ona web orrialdean.

    > 15 Aldi bereko finantzakideak
  • Eman £ 129

    Urte baterako Maskiluren laguna izatea

    Barazki ekoizlea bazara, zure kontsumorako ortua baldin baduzu edo gu lagundu nahi bagaituzu: lehentasuna izango duzu sasoiko kontserbak egiteko eta %15eko beherapena izango duzu gure ikastaroetan + esker on berezia web orrialdean.

    > 06 Aldi bereko finantzakideak
  • Eman £ 172

    Sasoiko kontserbak egiteko ikastaroa

    Kontserbak egiten ikasteko saio praktikoak (egindako kontserbak etxera eramango dituzu), Maskilukideen ortuak eta kontserbera bisitatu, amantala eta esker ona webean.

    > 01 Aldi bereko finantzakideak
  • Eman £ 257

    Kontserbak egiteko ikastaroa taldeentzat

    Elkarte, kolektibo, talde edo ikastola baten kide bazarete zuen neurriko ikastaroa egingo dizuegu. Ikastaroa, dokumentazioa eta esker ona web orrialdean.

    > 02 Aldi bereko finantzakideak
  • Eman £ 300

    Sasoiko kontserbak egiteko ikastaroa + Maskiluren laguna izatea

    Kontserbak egiteko ikastaroa (egindako kontserbak etxera eramango dituzu), dokumentazioa, Maskilukideen ortuak eta kontserbera bisitatu, amantala eta esker ona webean + Maskiluren laguna izatea.

    > 03 Aldi bereko finantzakideak

Proiektu honi buruz

Zeberion, Arratia-Nerbioiko baserritar eta ekoizleez osatutako kontserbera kolektiboa martxan jarri nahi dugu, gure ortuetako ekoizpenarekin artisau kontserbak egin ahal izateko, beti ikuspegi agroekologiko batetik.

Beharrak Azpiegitura Gutxienekoa Hobeezina
AUTOKLABEAREN EROSKETA
Autoklabea kontserbak egiteko erabiliko dugun tresna nagusia da. Inbertsio honekin kontserbera martxan jarri eta kalitatezko kontserbak egingo ditugu osasun-erregistroarekin. Aurrekontuan bestelako tresna hauek ere sartzen dira: polipastoa eta saskitxoak. Autoklabeak 10.000 € balio ditu. Bazkideok balioaren %60a jarriko dugu, eta bestea ordaintzeko laguntza behar dugu.
£ 3,431
Beharrak Materiala Gutxienekoa Hobeezina
ETIKETAK EGITEKO MAKINA
Makina honek, gure etiketak modu autonomoan inprimatzea ahalbidetuko digu. Egunerokotasuna erraztuko digun tresna da.
£ 214
CROWDFUNDING KOLABORAZIOAK
Itzulerak ekoizteko beharrezko aurrekontua: amantala, Maskilu errezeta liburua, ekimenen antolakuntza, diseinuak eta posta bidezko helarazteak.
£ 386
Beharrak Eginkizuna Gutxienekoa Hobeezina
IRUDIAREN PRODUKZIOA
Promozio eta informaziorako materialeen inprimatzea (gonbidapenak, eskuorriak, karteak...).
£ 515
IRUDIAREN DISEINUA ETA KOMUNIKAZIOAREN KUDEAKETA
Maskilu markaren eta web orriaren diseinua (helbidea eskuratzea, diseinua egitea eta web orria sortzea). Promoziorako eta informaziorako materialea diseinatzea.
£ 643
KONTSERBERAREN LEHEN 3 HILABETEKOAREN KUDEAKETA
Kontserbera bere kabuz martxan jarri artean, langilearen soldata bermatzea. Pertsona baten lanaldi erdia aurreikusten da.
£ 1,801
Guztira £ 4,031 £ 6,990
Nahitaezkoa
Gehigarria

Informazio orokorra

Honako proiektuaren bitartez, garaiko fruta, barazki eta perretxikoekin egindako artisau kontserbak ekoiztuko ditugu, kalitatezkoak eta osasun-erregistroarekin.

Sortu nahi dugun espazio honetan edozeinek (autokontsumorako ortuak, ortu komunitarioak, ekoizleak) enbotatu ahalko ditu garaiko barazki eta fruituak urte osoan zehar.

Elikagaien kontserbazioari buruzko jakituria tradizionala berreskuratu nahi dugu, errezeta zaharrak bildu eta berriak sortu.

Agroekologia bultzatu nahi dugu, bertakoa lehenetsiz eta eredu agroindustrialaren aurrean nekazaritza baserritarraren alde apustu eginez.

Oinarrizko ezaugarriak eta helburuak

Nekazalgunea programak eskainitako eraikinak bi zatitan banatutako beheko solairu bat dauka eta horietako zati batean eraikiko da transformazio gela.

Osasun baldintzak bete ahal izateko transformazio gela gune ezberdinez osatua dago:

  • Lehengaiarentzako biltegia: fruta eta barazkiak hona helduko dira.
  • Gune zikina: lehengaia garbitu eta txikitzeko gunea.
  • Sukalde gunea: errezetarik gozoenak sukaldatuko ditugun gunea.
  • Betetzeko gunea: poteak betetzeko gunea.
  • Autoklabea: kontserba poteak pasteurizatu edo esterilizatzeko makina.
  • Eskaeren prestakuntza: eskaerak prestatzeko gunea.
  • Poteen gela: poteak eta estalkiak gordeko ditugun gela.
  • Amaierako gela: kontserba amaituak pilatuko ditugun gela.

Funtzionamenduari dagokionez, behin obra amaituta dagoenean, garaiko barazki, fruta eta perretxikoen kontserben ekoizpenari ekingo diogu. Proiektuaren bazkideek zein beste edozein ekoizle edo baserritarrek kontserberaren zerbitzuak eskuragarri izango dituzte eta euren produktuak enbotatu ahal izango dituzte. Produkzio ihardueraz gain, gure baserrietan ohikoak ziren elikagaien kontserbazioari buruzko jakituria tradizionalak berreskuratu eta sustatu nahi ditugu. Espazio hau ikastaro eta tailerrak egiteko ere erabiliko dugu.

azoka-pitu-1.jpg

Zerk bultzatzen zaitu eta zeini zuzenduta dago proiektua

Honako proiektu hau kontsumoa, ekoizpena eta orokorrean gure eskualdeen garapena beste modu batean kudeatu daitekeela uste duten pertsona eta kolektiboei zuzendua dago; garapen hori bertakoa, jasangarria eta agroekologikoa izan daitekeela sinesten dutenei hain zuzen ere.

Elikadura burujabetzaren alde apustu egiten duten pertsonei; ekoizle, baserritar edo autokontsumorako ortu kolektiboetan lan egiten dutenei.

garie-ereiten-3-.jpg

Crowdfunding-eko kanpainaren helburuak

Kontserbera kolektibo bat sortu nahi dugu Zeberion (Bizkaia), baserritar eta ekoizleek euren fruta eta barazkiak transformatu ahal izateko tresna gisa.

Orain arte jendearen laguntza izan dugun arren eta bazkideok diru kantitate bat aurreratu dugun arren, oraindik finantziazioa behar dugu, batez ere, autoklabea erosteko. Autoklabea kontserbak esterilizatzeko eta horrela osasun-erregistroa jaso ahal izateko behar-beharrezkoa da.

img-20121113-184205.jpg img-20121211-160811.jpg

Aldez aurreko esperientzia eta taldea

Ekimen hau Arratia-Nerbioiko hamabost bat baserritar gaztek osatzen dugu. Dagoeneko 300 familientzako barazkiak ekoizten ditugu eta tresna hau sortu nahi dugu gure eskaintza dibertsifikatu ahal izateko.

Orain arte kontserba batzuk egin izan ditugu gure ortuko barazkiekin, baina aurrerapausoa eman nahi dugu eta osasun-erregistroa duten kalitatezko kontserbak egin.

Guztira, 11 proiektu desberdinek osatzen dugu kontserbera kolektibo hau, bakoitzak bere herrian sare eta plataforma sozial ezberdinetan parte hartu eta lurra eredu agroekologikotik lantzen du.

img-20121023-124546.jpg

Giza konpromezua