Canal 
Eman € 5
🎈 Eskerrik asko!
Ikerkuntzaren webgune espezifikoan eskerra
> 263 Aldi bereko finantzakideak
Proiektu honi buruz
Indarkeria matxistaren aurkako kazetaritza
Beharren zerrenda erakutsi
Eginkizuna
|
Gutxienekoa | Hobeezina |
|---|---|---|
|
Dokumentazioa
Aurretiko informazioaren bilketa kazetaritza-ikerkuntzetarako.
|
€ 3.500 | |
|
Testuak
Ikertuko ditugun 55 kasuetako bakoitzak kazetari espezializatu baten lana beharko du. Kontu-sail honekin #Guztiengatik proiektuko erreportai eta testu espezifikoak estaliko ditugu.
|
€ 26.000 | |
|
Infografiak
Kazetaritza-informazio grafikoaren ekoizpena.
|
€ 2.000 | |
|
Argazkiak
55 erreportaietako bakoitzarekin batera aurkeztuko den ekoizpen fotografiko originala.
|
€ 9.000 | |
|
Edizio eta koordinazioa
#Guztiengatik ikerkuntzak kasu bakoitzarentzat kazetaritzako koordinazio eta edizio irudi bat izango du.
|
€ 7.200 | |
|
Lekualdaketak
20 bidaia eta kazetarien dietak hilketak gertatu ziren herrietara.
|
€ 3.000 | |
|
Kanpaina hau aitzinera atera
Mikromezenasgo kanpaina honetako komunikazio, ilustrazio, bideo eta community management-ari dagozkien gastuak (zergak barne).
|
€ 3.000 | |
|
Bideo tematikoa
Ikerketa-laneko ondorioen azalpena.
|
€ 1.500 | |
|
Kanpaina honen bigarren fasea aitzinera atera
Mikromezenasgo kanpaina honen bigarren faseko komunikazio eta community management-ari dagozkien gastuak (zergak barne).
|
€ 1.500 | |
|
Bideo osagarriak
Zer gertatzen da komunitate batean emakume bat erailtzen dutenean?
3 kasu aukeratuko ditugu eta udaletxearen eta bere biztanleen erantzunak ikertuko ditugu.
|
€ 4.500 | |
|
Dibulgazioa
Aurkezpenak eta sentsibilizazio jardunaldiak ikerketak burutuko diren hainbat herritan, bigarren hezkuntzako zentroetan, etab.
|
€ 10.000 |
Azpiegitura
|
Gutxienekoa | Hobeezina |
|---|---|---|
|
#Guztiengatik mikrowebgunea
Kazetaritza-ekoizpena laburbiltzen duen mikrowebgunearen garapena lamarea.com-en.
|
€ 3.500 | |
|
Komisioak
Goteo-ren % 4ko komisioa zerbitzu prestazioengatik eta % 2koa eskatutako gutxienekoaren gaineko komisio eta banku-kostuengatik.
|
€ 4.002 | |
|
Informazio-eranskina
Indarkeria matxistari buruzko eguneroko jarraipena eta informazio espezifikoa duen kazetaritza-ataria.
|
€ 2.500 | |
|
Aurrekontu hoberenaren gaineko komisioak
Goteo-ren % 4ko komisioa zerbitzu prestazioengatik eta % 2koa eskatutako gutxienekoaren gaineko komisio eta banku-kostuengatik.
|
€ 1.110 |
Materiala
|
Gutxienekoa | Hobeezina |
|---|---|---|
|
Ordainsariak
Kanpainaren emaileentzako ordainsarien ekoizpena eta bidalketa Espainian.
|
€ 8.000 | |
| Guztira | € 70.702 | € 90.312 |
Nahitaezkoa
Gehigarria
Informazio orokorra
"Emakume bat bere bikote ohiaren eskuetan hil da". 2018an oraindik modu honetako izenburuak irakur daitezke. Zorionez, geroz eta ahots gehiagok azpimarratzen dute emakumeak ez direla 'hiltzen', erailtzen dituztela baizik. Baina hizkera ez da arazo bakarra. Indarkeria matxistari buruz ematen den informazioa soilik hilketa jazotzen den momentura mugatzen da, ez dago apenas jarraipenik.
Baina, zer gertatzen da ondoren? Zergatik gutxitan jakiten dugu hiltzaileari ezarri zaion kondena? Jaso al zuten laguntzaren bat biktimaren seme-alabek? Handitu al zuen Udaletxeak mehatxupean zeuden udalerriko emakumeak babesteko aurrekontua?
PorTodas proiektuaren ardatza 2014an Espainian erregistro ofizialek aitortutako 55 emakume erailduek osatzen dute. Hilketetatik bortz urtera, beraien istorioak berreraiki nahi ditugu. Horretarako, administrazioei erantzukizunak eskatzen lagunduko duten erreportaiak argitaratu eta indarkeria matxistaren aurkako borrokan aurrera jotzeko hainbat kolektibo inspiratuko dituzten adibide positiboak jasoko ditugu.
Bortz urte aldaketak eskatzeko zentzuzko denbora da. Denbora hori baita, bertzeak bertze, hainbat delituk preskribatzeko duten epea eta alta onkologiko batzuk emateko dagoena. Feminizidio bakoitzak bere ingurunean, gizartean eta emakume guztiengan eragiten duen kaltea ebaluatzeko garaia ere badela uste dugu.
Oinarrizko ezaugarriak eta helburuak
PorTodas proiektua izango da indarkeria matxisten inguruan informatuko duen lamarea.com-eko hurrengo eranskineko atal nagusia. 2019tik aitzinera, 2014an eraildako emakume bakoitzaren istorioak osorik argitaratuko ditugu. Istorio hauek honako atal hauek dituzte:
Erasotzailea: epaiketa, kondena, espetxeko egonaldia, ikastaro espezifikoetara agertzea...
Familia: seme-alaba eta bertze senideen egoera.
Udaletxearen papera: zein ziren genero indarkeria saihesteko zeuden aurretiko neurriak eta zeintzuk hartu ziren hilketaren ondoren.
Eragina herrian, batez ere denbora gutxira hilketa gehiago gertatu zirenetan (hainbat kasu erregistratu dira).
Bertze administrazioen papera.
Storytelling-a proiektu honen indergune nabarmena da. Bertan esperientzia zabala (sariak, liburu argitaratuak...) duten kazetari-idazleek parte hartzen dute. Jendearen arreta harrapatu nahi da testu zaindu eta dokumentatuen bidez, jendeak hauek irakurtzerakoan "kasu bat gehiago" dela pentsa ez dezan, ezta lehenagotik askotan aditu duen eta saihetsezina den zerbait ere.
Proiektuan gauzatuko diren zeregin zehatzak honako hauek dira:
Indarkeria matxistaren inguruan informatuko duen web orria diseinatu.
Eraildako 55 emakumeen istoriogintza finantziatu. Kasu bakoitzak ikerkuntza sakona behar du (epaiak, elkarrizketak, udalerrietara bidaiak...)
Istorioak sentsibilizazio eta kontzientziazio materialean bihurtzeko dibulgaziozko prestakuntza-jarduera gehigarriak.
Zerk bultzatzen zaitu eta zeini zuzenduta dago proiektua
PorTodas zerbitzu publikorako borondatea duen interes orokorreko proiektua da, eta urte batetik bertzera hildako emakumeen kopurua konstante mantentzearekin konformatzen ez diren pertsonei zuzentzen zaie.
Halaber, genero biolentzian prestatu nahi duten dokumentalista eta kazetarientzat erabilgarria izango delakoan gaude.
Bertze helburu bat eraso matxista eta estereotipoei aurre egiten lanean dabiltzanengana ailegatzea da, administrazioetatik tokian tokiko emakumeen elkarteetaraino.
La Mareak, Oxfam Intermón GKEarekin lankidetzan, 2017ko urrian genero ikuspuntua lantzen duen kazetaritzan prestatzeko doako tailer bat abiarazi zuen. Honek arrakasta handia izan du eta Espainiako hainbat unibertsitateetan prestakuntza-material gisa darabilte. Orain pausu bat gehiago eman nahi dugu: geure web orritik praktikan jarriko dugu.
PorTodas proiektuko koordinatzaileak, Magda Banderak, 2007an genero indarkeriari buruz zuzentasunez informatzeko Público egunkariaren dekalogoa sustatu zuen, hainbatetan saritua izan dena. 2017an, Bandera Espainiako Komunikabideetako Emakumeen Elkartearen 2017 Sariarekin (AMECO) golardatua izan zen. Oxfam Intermón eta La Mareak ekoitzitako informarsobreviolenciamachista.com online tailerra koordinatu zuen.
Olivia Carballar Sevillako Unibertsitatean Kazetaritzan doktoratua da, kazetaritzan aitzindariak izan ziren emakumeei buruzko tesi batekin. Público, infolibre.es eta andalucesdiario.es-en lan egin du. El Pais, eldiario.es, periodismohumano.com eta Canal Sur-ekin ere kolaboratu du. Bere ibilbidea El Correo de Andalucia egunkarian hasi zuen.
Patricia Simón, Espainiako Komunikabideetako Emakumeen Elkartearen 2013 Saria (AMECO) jaso zuen. Gaur egun Kolonbia eta Palestinako gatazketan emakumeen paperaren inguruan jarduten duen nohabrapazsinlasmujeres.com dokumentazio zentroa zuzentzen du, Médicos del Mundoren “¿Saharaui? Sí” kanpainaren diseinu eta gauzatzearen arduraduna ere bada, eta baita emakumeek baserri-ingurunean beraien negozioei ekiteko edo hobetzeko dituzten oztopoei buruzko Europako proiektuaren dokumentalista ere.
Alba Mareca kazetaria da. UABko Genero eta Komunikazio Masterra du. La Marean eta honek Oxfam Intermónekin eramaten duen 'Periodismo contra las violencias machistas' proiektuan lan egiten du.
Noemí López Trujillo erreportaria da. 20minutos eta El Español-eko erredakzioetan lan egin du, eta eldiario.es, El País edo El Confidencial-en argitaratu du. Ana Orantes-en hilketari buruzko ikerketa podcast bat eta krisian zehar emigratu zuten espainiarrei buruzko liburu bat ('Volveremos', Libros del K.O.) ditu.
PorTodas ikerkuntzak hainbat kazetari, aditu eta komunikabideen lankidetza dauka: Píkara, Nodo Común, Isabel Cadenas, Laura Casielles, Ana Ordaz, Mercedes Domènech, Alfredo Almendro, Isabel Muntané, Bárbara Tardón, Rebeca Mayorga, Carmen Lozano Bright, Daniel Cotillas, Dani Domínguez, Eduardo Robayna, Isabel Muntané, Lula Gómez eta Lucía Muñoz Lucena, bertzeak bertze.
Giza konpromezua
Kazetaritza independientea
Konpromisoa hilketa matxisten inguruan zehaztasun, sakontasun eta jarraitasunarekin informatzea da, emakumeen aurkako indarkeriari eta kazetaritzaren praxi txarrei aurre egiten lagunduko duten datuak eta baliabideak eskuratzea ahalbideratuko duen jarraitasuna emanez, alegia.
Objetivos de Desarrollo Sostenible
-
Igualdad de género
Lograr la igualdad entre los géneros y empoderar a todas las mujeres y las niñas
-
Reducción de la desigualdad
Reducir la desigualdad en y entre los países
-
Ciudades y comunidades sostenibles
Lograr que las ciudades y los asentamientos humanos sean inclusivos, seguros, resilientes y sostenibles
-
Producción y consumo responsables
Garantizar modalidades de consumo y producción sostenibles
-
Paz, justicia e instituciones sólidas
Promover sociedades, justas, pacíficas e inclusivas