Uraitz eta ruben arlote ibili ginen ostegun gauetan, gure hirian bertan, Gasteiz Euskal Herri txiki bat bihurtzen zenean ehunka euskal ikaslek inbaditurik. Kutxin arlote.
Uraitz arlote-titiritero ibili zen kontrairo taldean, eta euskaldun arlote ibili zen 'La mexikana klandestina'-n. Musikan arlote.
Ruben arlote ibili zen bertso munduan, zenbat eta plaza handiago orduan eta arloteago. Bertsolaritzan arlote.
Uraitz eta ruben arlote euskaldunak gara, baina arloteok nekez bizi gaitezke herri bakarrean, edo nekez bizitzen gaitu herri bakarrak.
Uraitz arlote dabil Mexikon, ruben arlote dabil bi umerekin Gasteizen.
Asko gara arloteak munduan, eta pote honetan, zuen ekarpenak jaso nahi ditugu: olerki bat, gutun bat, ideia bat, kritika bat, txanpon bat, abesti bat...
Kalean ikusten bagaituzu eta 'The Arlotes'-i zure ekarpena egin nahi badiozu, potea ireki eta sartu.
Txerra Bolinagak, R.I.P. taldean bateria jotzen ibili zen arloteak, utzi digu papertxo bat eta bertan dio 'enamorado de la muerte' kanta jo nahi du arloteekin, euskarazko bertsio berri batean.
Kokoteko lagunak beste papertxo batean diosku bere goitizena eta 'artea' oparitzen dizkigula atal batean agertuko den pertsonai baterako.
La mexikana Klandestinatik 'Mundu ederrenean' kanta oparitu digu, The Arlotes-ek jo dezan.
Jango eta Parral tabernak eta Iñigo Garfio eta Martita Sagradito arloteek potean utzi digute diru-laguntza.
Hortik zehar pote eta guzti ikusten bagaituzu... ez gaude burutik jota (edo bai), baina nahi duzuna bota!